27. Өнім радиациялық қауіпсіздік талаптарына жауап беруі тиіс. 28. Қатардағы көмірлер және оларды сұрыптау, байыту, агломерациялау, көмірді (қатты) термохимиялық қайта өңдеу өнімдері, баламалы қатты отын радиациялық қауіпсіздіктің 1-сыныбына жатқызылуы тиіс. Табиғи радионуклидтердің үлестік белсенділігінің ең аз мәнді үлестік белсенділікке қатынасының сомасы бірліктен аспауға тиіс. Табиғи радионуклидтердің үлестік белсенділігінің бірліктен (радиациялық қауіпсіздіктің 2-сыныбы) асатын ең аз мәнді үлестік белсенділікке қатынасының сомасы бар өнімдер шаруашылық қызметте пайдаланылмауға тиіс.
29. Көмірді термохимиялық қайта өңдеу өнімдері (сұйық) – шайырлар мен көмір майлары, көмір шайырынан жасалған қазандық отыны және басқалары радиациялық қауіпсіздіктің 1-сыныбына жатқызылуы тиіс. Уран (радий) мен торийдің табиғи радионуклидтерінің меншікті белсенділігінің араласудың тиісті 10 еселенген деңгейіне қатынасының сомасы бірліктен аспауға тиіс. Радиациялық қауіпсіздіктің 2-сыныбына жататын сұйық өнімдер тазартудан өтуі тиіс.
30. Радиациялық қауіпсіздіктің 1, 2, 3-сыныптарына жататын өндіріс және тұтыну қалдықтары (күл, қож, Ұшпа күл (қоныш күлі), микросфера және басқалары) табиғи радионуклидтердің тиімді үлестік белсенділігіне байланысты әртүрлі бағыттарда пайдаланылуы мүмкін. Радиациялық қауіпсіздіктің 4-сыныбына жататын қалдықтар тауарлардың сапасы мен қауіпсіздігінің уәкілетті аумақтық органдарымен келісім бойынша пайдаланылуы мүмкін.
31. Өнімнің радиациялық қауіпсіздігінің сыныптары мен нормалары 5, 6, 7-қосымшаларда келтірілген.
32. Өнім өрт қауіпсіздігі талаптарына жауап беруі тиіс. 33. Өнім өздігінен тұтануға, сондай-ақ тұтану көзінің әсері кезінде жануға және оны алып тастағаннан кейін өздігінен жануға қабілетті жанғыш (жанатын) өнімдерге жатады.
34. Көмір және оларды сұрыптау, байыту өнімдері тотығуға және өздігінен жануға бейімділігімен сипатталады. Өздігінен жануға әкелуі мүмкін химиялық өзгерістермен және көмір затының ыдырауымен байланысты тотығу процестері тотығу индексіне байланысты.
Көмір және оларды сұрыптау, байыту, агломерациялау өнімдерінің топтары тотығуға және өздігінен жануға бейімділігі және оларды сақтау мерзімдері 8-қосымшада келтірілген.
35. Көмірді және өндіріс пен тұтыну қалдықтарын термохимиялық қайта өңдеу өнімдерін сақтау мерзімдері 9-қосымшада берілген.
36. Өнімнің өрт қауіпсіздігін сипаттайтын көрсеткіштер, сондай-ақ тұтану температурасы, өздігінен тұтану температурасы және сұйық өнімдерге арналған Ашық тигельдегі тұтану температурасы болып табылады. Өнімнің көрсетілген көрсеткіштеріне қойылатын талаптар мен нормалар 10-қосымшада ұсынылған.
