рымына сүйенсек, проблеманы шешу машығы – көшбасшының жаңа әрі әдеттегіден бөлек, жеткілікті түрде анықталмаған ұйымдық проблемаларды шеше білетін креатив қабілеті. Бұл машықтардың ішіне елеулі проблема- ларды анықтау, мәселе жөнінде ақпарат жинау, түйін жайында жаңа түсінік қалыптастыру және оны шешу үшін прототиптік жоспарлар құру қабілет- тері кіреді. Мамфорд, Тод, Хиггс және Макинтош (2017, p. 28) проблеманы шешуде көшбасшылар қолданатын тоғыз негізгі машықты анықтады: 1. Проблеманы анықтау: назар аударарлық мәселелерді немесе ұйым- ға әсер етуші елеулі түйінді анықтау қабілеті. 2. Себеп/мақсатты талдау: проблеманы шешуге қатысты себептер мен мақсаттарды талдау қабілеті. 3. Кедергілерді талдау: проблеманы шешуге әсер етіп тұрған кедергі- лерді немесе шектеуші факторларды анықтау қабілеті. 4. Жоспарлау: жоспар, менталды модельдеу және себеп/мақсат пен ке- дергілерді талдаудан туындайтын іс-әрекеттер ойлап табу қабілеті. 5. Болжау: жоспарды орындау салдарларын болжай білу қабілеті. 6. Креатив ойлау: жоспардың болжау кезінде анықталған ықтимал жасырын кедергілерін жою үшін балама тәсілдер мен жаңа идеялар ойлап табу қабілеті. 7. Идеяны бағалау: жоспарды орындау кезінде осы балама машықтар- дың өміршеңдігін бағалау қабілеті. 8. Кемеңгерлік: аталған машықтардың көшбасшы әрекет ететін кон- текстегі немесе белгілі бір жағдайдағы орындылығын бағалау қабі- леті. 9. Мағына беру/көрегендік: ізбасарлардың проблеманы түсінуіне, зер- делеуіне және соған сай әрекет етуіне көмек беретін стратегияны жасап шығару қабілеті.
