Бағамдық айырма – басқа валюталық бағамдар бойынша бір валюта бірлігінің бірдей санын басқа валютаға қайта есептеу кезінде туындайтын айырма.
Баланстық құн – ол бойынша актив немесе міндеттеме бухгалтерлік баланста танылатын сома.
Болашақ кезеңдердің кірістері – болашақ кезеңдерге жатқызылған, бірақ іс жүзінде есепті кезеңде алынған кірістер.
Болашақ кезеңдердің шығыстары – осы кезеңде жүргізілген, бірақ болашақ кезеңдерге жатқызылған шығыстар.
Бағамдық айырма (оң, теріс)– шетелдік валютамен жасалған операциялар бойынша пайда болатын айырма. Бұл айырма бухгалтерлік есепте ұлттық валютамен жасалған операцияны көрсету нəтижесіндеоперация жасалған күн мен осы операция бойынша есеп айырысқан күн арасында пайда болады.
Бағдарламалық қарыздар –халықаралық қаржы ұйымдарының Қазақстан Республикасының экономикасын дамыту жəне реформалау жөніндегі өздерімен келісілген іс-шараларын орындау шарттарымен Қазақстан Республикасының Үкіметіне немесе Қазақстан Республика сының Ұлттық банкіне беретін қарыздары.
Байланыстырылған гранттар –Қазақстан Республикасы Үкіметінің грант берген донордан одан əрі қарыз алуын немесе байланыстырылған грантты іске асыруға бағытталған тиісті бюджеттік бағдарламаның шеңберінде республикалық жəне жергілікті бюджеттерден қоса қаржыландыруды көздейтін гранттар.
Байланыстырылған грант туралы келісім –Қазақстан Республикасына өтеусіз қаржылық немесе техникалық көмек ұсыну көзделген мемлекеттік орган жəне донор арасындағы келісімшарт.
Байланыстырылмаған гранттар –Қазақстан Республикасы Үкіметінің грант берген донордан одан ары қарыз алуын немесе республикалық жəне жергілікті бюджеттерден қоса қаржыландыру көзделмейтін гранттар.
Банк кепілдігі –қарыз алушы мемлекеттік кепілдік беру туралы келісіммен белгіленген тəртіппен жəне мерзімдерде қарыз келісімшарты бойынша өзінен тиесілі сомаларды жинақтауды қамтамасыз етпеген жағдайда, мемлекет кепілдендірген қарыз бойынша берешекті өтеу жөнінде банктің бюджетті атқару жөніндегі орталық атқарушы орган алдындағы міндеттемесі.
