Академиялық сағат кесте бойынша оқу сабақтардың (аудиториялық жұмыс) барлық түрлері немесе жеке бекітілген графика бойынша білім алушылардың оқытушылармен байланыс жұмысының уақыты;
Аралық бақылау – бір оқу пәнінің бөлімі (модулі) аяқталғаннан кейін оқушының алған білімінің сапасын бақылау.
Әдіс (метод) – табиғаттағы және қоғам өміріндегі құбылыстарды зерттеудің, танудың құралы.
Әдіскер – оқу-әдістемелік, ғылыми-әдістемелік жұмыстарды орындаушы білім беру ұйымының педагогикалық қызметкері.
Әдіснама (методология) – нақтылы бір ғылымда қолданылатын әдістердің жиынтығы, соларды зерттеу кезінде қолданудың ғылыми-теориялық негіздемесі.
Бағдарлану(ориентация) – белгілі бір бағытта іс істеуге қажетті ұмтылыс пен соны жүзеге асырудың шарттарын, ретін қабылдау, соған сәйкес әрекеттер жасай бастау.
Бейнелеу әрекеттеріне үйрету оқытудың дамыту әдісімен жүргізудің нәтижесі. Бейнеленген нәтижеде оқушының бейнелеу қабілеті, рухани дамуы қорытымдары жасалады. Бейнеленген нәтижеде оқудың ең жоғарғы деңгейі, білгендерінің синтезі.
Белсенді үлестірмелі материалдар (KYM) (Hand-outs) – білім алушының тақырыпты шығармашылықпен табысты меңгеру үшін оқу сбақтарында таратылатын көрнекі безендірілген матеиалдар (дәріс тезистері, сілтемелер, слайдтар, мысалдар, глоссарийлер, өз бетінше жұмыс істеуге арналған тапсырмалар);
Бихевиоризм – оқыту ісін, нәтижесін адам психикасының ішкі механизмдері арқылы емес, оған сырттан әсер ететін факторларға адамның сырттан көрінетін мінез-құлқы, істеген істері, қылықтары арқылы зерттеу.
Білім алушыларды аралық аттестаттау – білім алушының емтихан сессиясы кезеңінде бір пәннің толық көлемін немесе бір бөлігінің мазмұнын аяқтап болғаннан кейін, оның игеру сапасын бағалау мақсатында өткізілетін рәсім;
Білім алушыларды қорытынды аттестаттау (Qualification Examination)- мемлекеттік жалпыға міндетті білім беру стандартында қарастырылған оқу пәндерінің игеру дәрежесін немесе көлемін анықтау мақсатында өткізілетін рәсім;
