Ширатылған жіптер, бір ширатылымға байланыстырылған бірнеше
көлденең қабатты алғашқы жіптерден тұрады.
Ширатылған жіптерге ширатылған иірімжіп және ширатылған
комплексті жіптер жатады.
Ширатылған иірімжіп бір ширатымды және көп ширатымды болып
бөлінеді.
Ширатылған комплексті жіптер ширатылған иірімжіпке ұқсас, бір
және көп ширатымды болып бөлінеді. Сонымен қатар, қарапайым
комплексті ширатылған жіптер, фасонды қиыстырылған жіптерді де алуға
болады.
Текстурленген жіптер дегеніміз – сыртқы түрі, құрылымы және
қасиеттері физика-механикалық, физика-химиялық және басқа да
өңдеулермен өзгертілген жіптерді айтады. Олардың көлемі жоғары және
созылғыш болып келеді. Текстурленген жіптерге текстурленген иірімжіп
және текстурленген комплексті жіптер жатады.
Талшықтық құрамына байланысты жіптерді біртекті, аралас,
біртексіз, аралас-біртексіз және қиыстырылған деп бөледі.
