Зерттеу жұмысының дереккөздері. Халық ауыз әдебиетінің орта ғасыр ескерткіштерінің, көркем әдебиеттің материалдарынан терілген дисфемизмдер.
Зерттеудің әдістері мен тәсілдері. Жұмыс барысында сипаттама жасау, жүйелеу, топтау, салғастыру, түйіндеу, талдау, қорытындылау әдістері пайдаланылды.
Зерттеудің ғылыми жаңалығы мен нәтижелері:
- қазақ тіліндегі дисфемизмдер алғаш рет жинақталып, жүйеленді, зерттеу нысанына айналды;
- дисфемизмдердің өзіне тән белгілері анықталып, тілдік ерекшеліктері сипатталды;
- дисфемиздердің қай-қайсысы да әдеби тілде белгілі бір баламасы болатындығымен ерекшеленеді, негізінен алғанда ол осы белгісі арқылы өзге стильдік топтардан айырылып-ажыратылады;
- дисфемизм ретінде жұмсалатын сөздерден дисфемистік қатарлар түзілетіндігі мәлім болды;
- сөйлемде, мәтінде белгілі бір стильдік мән-мағынаны айшықтау үшін дисфемизмдердің арнайы, саналы түрде пайдаланылатындығы айқындалды;
- этимологиялық талдау дисфемизмдердің экспрессивтік қызметімен қатар коммуникативтік қызметі де елеулі екендігін көрсетті;
- жеке қолданыстағы дисфемизмдердің барлығы да дәстүрлі қолданыстағы дисфемизмдердің үлгісімен жасалатындығы айқындалды.
Достарыңызбен бөлісу: |
