Көк тамырлық инъекция мен көк тамырға тамшылатып дәрілерді құю тәсілі

Көк тамырлық инъекциялар көбінесе венепункция (инені көк тамырға тері арқылы енгізу), кейде венесекция (көк тамырды кесу) арқылы жүргізіледі. Көк тамырлық инъекциялар тері астылық және бұлшық еттік инъекцияларға қарағанда өте жауапты шара. Оны әдетте дәрігер немесе арнайы оқытылған мейірбике орындайды, өйткені көк тамырға енгізгеннен кейін дәрілердің қандағы мөлшері, дәрілерді енгізудің басқа түрлеріне қарағанда, анағұрлым тез өседі. Көк тамырлық инъекция жүргізгендегі қателіктердің салдары науқас үшін өте қатерлі болуы мүмкін.

1. 
   Инъекцияның қашан және қайда жасалатыны туралы науқасқа айту.
   
2. 
   Препаратқа жеке сезімталдығын анықтау.
   
3. 
   Қолды ағынды жылы сумен сабындап мұқият жуу.
   
4. 
   Маска кию.
   
5. 
   Қолды спиртпен өңдеу.
   
6. 
   Дәрілік заты бар шприцті дайындау.
   
7. 
   Қолғапты кию.
   
8. 
   Науқасты отырғызу немесе шалғасынан жатқызу.
   
9. 
   Науқастың қолын шынтақ буынында толығымен жазу.
   
10. 
    Шынтақ бүгісінің астына клеенкалы жастық немесе орамал төсеу.
    
11. 
    Шынтақ бүгісінен 10см жоғары жерге матаның үстінен (жалаңаш денеге емес) жеткілікті жгут салу.
    
12. 
    Кәрі жілік артериясындағы пульс жақсы анықталатынына көз жеткізу.
    
13. 
    Көк тамырдың толуын жақсарту үшін науқасқа бірнеше рет жұдырығын жұмып ашуын сұрау.
    
14. 
    Шынтақ бүгісінің терісін 70% спиртке батырылған залалсыздандырылған мақтамен өңдеу, 2-3 рет бір бағытта жоғарыдан төмен қарай (инъекция аймағы – 4х8см; алдымен кеңірек, содан кейін тура ине салатын жерді).
    
15. 
    Тесу үшін неғұрлым ьолған және қолайлылау көк тамырды таңдау.
    
16. 
    Сол қолдың саусақтарынын ұшымен сол тамырдың үстіндегі теріні білекке қарай біраз тартып, көк тамырды бекіту.
    
17. 
    Салуға арнап дайындалған инені немесе шприцті оң қолға алу.
    
18. 
    Көк тамырдың үстіндегі ретіні және көк тамырдың қабырғасын бірден тесу немесе тесуді екі кезеңмен жүргізу-алдымен теріні, содан кейін көк тамырдың қабырғасына жақындатып, оны тесу.
    
19. 
    Ине көк тамырда екендігіне көз жеткізу, бұл үшін шприцтің поршенін өзіне қарай сәл тарту – сонда шприцке қан түсуі керек.
    
20. 
    Мейірбике науқасқа жұдырығын ашуды өтінеді де жгутты шешеді.
    
21. 
    Дәріні жайлап енгізу. Дәріні соңына дейін енгізбей, ауа көпіршіктерін шприцте қалдыру керек.
    
22. 
    Тескен жерге спиртке батырылған домалақ мақтаны сол қолмен басу.
    
23. 
    Оң қолмен инені көк тамырдан шығару.
    
24. 
    Науқастың қолын қан ағуы тоқтағанша бірнеше минутқа шынтақ буынында бүгу.