Екінші ретті мотивтерге әдемілік, адалдық, есепшілдік, сенімділік,
үнемшілдік және
пайда табу, білімділік, хабардар болу, т.б. жатады.
Эмоциялық мотивтер – көбіне импульсивті және өзін өзі артық көрсету,
елден ерекшелену, еліктеу, ақша жұмсағысы
келу сияқты қисынды
(логикалық) ойларға негізделмеген табиғи эмоциялар, сезімдер
(атаққұмарлық, мақтансүйгіштік, өзгелерге ұнап,
оларды таң қалдырғысы
келу).
Рационалдық мотивтер бір нәрсені үнемдеуге, тиімді және жоғары сапалы
затты сатып алуға негізделеді. Тауар сатып алу үшін адамдар оның
үнемділігі, пайдалылығы, сапасы, тәуекелділігінің төмендігі, қызмет көрсету
кепілдігі сияқты рационалдық дәлелдер болып келетін құндылықтарға көп
назар аударады. Көптеген дүкендер тұтынушылардың үнемдеуге тырысуын
ескере отырып, тауарларға жеңілдік жасайды, тұтынушыларды қызықтыру
үшін «бір заттың бағасына екі зат сатып алу», «бұл бағалар сіздерге» деген
сияқты безендірілген шақырулар қолданылады. Сатып алушылар жоғары
сапалы тауар сатып алғысы келеді. Бұл тілекті қанағаттандыру үшін
сатушылар сапа кепілдігін, ол туралы куәлікті, сатып алғанға дейінгі және
одан кейінгі қызмет көрсетуді ұсынады.
2. Сатып алушының мінез-құлқын таңдауда
тұлға типі
маңызды мәнге ие.
Психологияда адамдарды
мінезінің типіне қарай холерик, сангвиник,
флегматик және меланхолик деп жіктейтіні бәрімізге мәлім. Сонымен қатар
қарым-қатынас сипаты бойынша доминантты (үстемшіл), доминантты емес
(сенімсіз), мобилді (адамға үйір), экстраверт (араласуды ұнатады), интроверт
(тұйық) сияқты адам типтері бөлінеді.
Тауар немесе марканы таңдау мен тұлғалар типтері арасында белгілі бір
байланыс бар. Мысалы, сыра компаниясының мәліметтері бойынша, сыраны
үнемі тұтынушылар ашық мінезді, бірақ агрессивті адамдар болып келеді.
Бұл осы компанияның сыра маркасының бейнесін және жарнамадағы
кейіпкерлер сипатын таңдауды жеңілдетеді.
3. Тауарды сатып алғанда оны
қабылдау
үлкен рөл атқарады. Қабылдау –
келіп түскен ақпарат түсіндіріліп, іріктелінетін процесс. Адам тек өзінің
сенімін қолдайтын ақпаратты ғана есінде сақтайды.
4.
Сенім
адамның мінез-құлқын белгілі бір жүйеге бағыттайды.
Сенген
адам жігерлілігімен, белсенділігімен және мінез-құлқының тұрақтылығымен
көрінеді.
5. Адамдардың
қатынасы
салыстырмалы түрде тұрақты, сондықтан
фирманың тауарды өзгертуге тырысқаннын гөрі, оны қалыптасқан қатынас
шеңберінде шығаруы ұтымды болады.
Достарыңызбен бөлісу: