ӘБДІРАЙЫМ Толымбек (12.9.1955 ж.т.. Шығ. Қазақстан обл. Аякөзқ.) -жазушы. ҚазҰУ-ды
бітірген (1991). Шұбартау ауд. "Жаңа өмір", Талғар ауд." Алатау жұлдызы". Алматы обл. "Жетісу",
респ. "Қазақ әдебиеті" газеттерінде, Көкшетау телерадио к-тінде қызмет атқарған. 1997 жылдан
бері "Қазақ әдебиеті" газетінің Астанадағы меншікті тілшісі Алғашқы әңгімесі 1970 ж.
жарияланған. " Елегізу" әңгімесі "Арман қанатында" жинағына 1988 ж. енген.
ӘБДІРАЙЫМҰЛЫ Серік (5.5.1943 ж.т.. Жамбыл обл. Талас ауд, Үшарал а.)- жазушы. ҚазҰУ-ды
бітірген (1968). 1968 - 79 ж. "Лениншіл жас" (қазіргі "Жас Алаш") газетінде әдеби қызметке,.
жауапты хатшы, бөлім меңгерушісі, 1979 -86 ж. "Жалын" баспасында бөлім меңгерушісі, "Өнер"
баспасында бас редактор. 1986 - 90 ж. Казақстан КП ОК жа-нындағы Партия тарихы ин-нде бөлім
меңгерушісі қызметтерін атқарған. 1990 жылдан "Санат" (1993 жылға дейін "Қазақ университеті")
баспасының директоры. Ондаған деректі әдеби шығармалардың авторы. Д.А. Қонаевтың "Өтті
дәурен осылай" (1991)." Ақиқаттан аттауға болмайды" (1994), кітаптар,. орыс жазушысы
Б.Васильевтің "Мансап пен махаббат" повесін, түрік жазушысы Орхон Кемальдың "Тұңғиықта"
романын, орыс әншісі Ф.Шаляпиннің "Перде жамылған пенде" роман-эссесін, орыс жазушысы
О.Серовтың "008-агентгің күйреуі" повесін, эстон жазушысы Пауль Кусбергтің "Монологін"
және т.б. шет ел жазушыларының шығармаларын қазақ тіліне аударған. "Қаһарман - Нұрғиса",
"Елу жыл ел ағасы" кітаптарының құрастырушысы. Қазақстан Жоғ. Кеңесінің Құрмет
грамотасымен марапатталған.
