БАЙДІЛДАЕВМардан Келдібайұлы (12.4.1926. Қызылорда обл. Жалағаш ауд. Еңбек а. -
5.3.1994. Алматы) - ауыз әдебиетін жинаушы, зерттеуші. КазҰУ-ды бітірген. Ұзақ жылдар
бойы Әдебиет және өнер ин-тында ғыл. қызметкер болған. 1961 - 64 ж. осы ин-т
ұйымдастырған Қызылорда экспедициясын басқарды. 1972 - 86 ж. Қазақстан тарих және
мәдениет ескерткіштерін қорғау қоғамының фольклор секциясының жетекшісі. 1986 - 94 ж.
қалалық "Әділет" қоғамының жауапты хатшысы қызметтерін атқарған. Айтыс өнерінің қайта
жандануына ат салысқан. "Шаһнаманың" Т.Ізтілеуұлы аударған 40 мың жолдық қолжазбасын
баспаға әзірлеген. Б. дайындаған аударма 1961 ж. ҚМКӘБ баспасынан, 2004 ж. "Жазушы"
баспасынан жеке кітап болып жарық көрді. "Үш ғасыр жырлайды" (1965), "Бес ғасыр
жырлайды" (1985) жинақтарын шығаруға қатысқан. Ә. Қоңыратбаевпен бірге "Қорқыт ата
кітабын" аударды. "Ақындар творчествосы" (1959), "Ақын-жыраулар" (1979) зерттеу
кітаптары бар. Фольклоршылардың Бүкілодақтық байқауының лауреаты (1977).
