БАЙЖАНОВМырзабек. Қызыл жырау (1870. қазіргі Оңт. Қазақстан обл. Қызылқұм ауд. -
1945. сонда) - ақын. "Насихат жыр", "Құмырсқа мен шегіртке", "Әмзе хисса", "Екінші сауда",
"Әкімгереймен айтыс", "Кәрілік туралы", т.б. шығармалары ел арасына кең тараған.
БАЙЖАНОВ Сапар, (19.11.1929. Жамбыл обл. Жамбыл ауд. Шайқорық а. - 4.5.1999. Алматы)
- жазушы. ғалым. филол. ғыл. канд. (1974). Қазақстанның еңб. сің. мәдениет қызметкері (1995).
ҚазҰУ-ды бітірген (1952). 1950 - 58 ж. "Лениншіл жас" (қазіргі "Жас Алаш") газетінде әдеби
қызметкер, бөлім меңгерушісі, бас редактордың орынбасары, 1958-65 ж. "Мәдениет және
тұрмыс" (қазіргі "Парасат") журналының жауапты хатшысы, редактордың орынбасары, бас
редактор. 1965 -73 ж. Қазақстан КП ОК-нде жауапты қызметкер. 1973 - 83 ж. "Социалистік
Қазақстан" (қазіргі "Егемен Қазақстан") газетінің бас редакторы, 1983 - 94 ж. Қазақстанның Бас
мұрағат басқармасының бастығы қызметтерін атқарған. Қазақстан Жазушылар одағы сыйл.
лауреаты (1989), "Халықтар достығы", "Кұрмет белгісі" ордендерімен және медальдармен
марапатталған.
