ДОСЖАНҚожбанұлы (1830. Каспий мен Нарын құмы арасындағы Астрахан губ-ның
1-округіне. 8-старшинасына қараған өңір -1908) - ақын. Кіші жүз Жетіру тайпасының Тама
руынан шыққандықтан "Тама Досжан" атанған. Арабша сауаты болғанымен өлең, толғауларын
көне жыраулар дәстүрімен ауызша шығарып, кейін хатқа түсіріп отырған. Д-ның "Ей, жақсылар,
жақсылар", "Даңғалға", "Мұқашқа ұлы Жәмілжанның қазасын естіртуі" дейтін өлең, толғаулары
бар. "Ал, ием, ақ сұңқар құм қолыңда" деп басталатын толғауы Қазан қ-ндағы ун-ті кітапханасының
сирек кездесетін қолжазбалар қорында сақталған. Бірқатар өлең. толғаулары "XІХ ғасырдың қазақ
поэзиясы" (Алматы. 1985), жинағында. Ө.Әлімгереевтің "Мақаш әкім" (Ганюшкин. 1992)
кітабында жарық көрген. Д. өлең, толғауларында заман халі, өмір мәні, тіршілік сәні, өтпелі
дәурен, кісілік қасиет туралы келелі ойлар айтады. Бейнелі де, әсерлі сөздерден, ақындық арынмен
тебіріне толғайды.
