Нотариат (пəннің атауы) ПƏннің ОҚУ-Əдістемелік кешені
Дəріс №10. Мемлекеттік нотариустардың құқықтық мəртебесі
жүктеу/скачать 448,1 Kb. Pdf көрінісі
|
Нотариат-
|
Дəріс №10. Мемлекеттік нотариустардың құқықтық мəртебесі Мемлекеттік нотариат. Мемлекеттік нотариат кеңсесі. Мемлекеттік нотариустың құқықтық мəртебесі. Мемлекеттiк нотариус осы Заңның 6-бабында аталған талаптарға сай болуға тиiс, бұған нотариус лицензиясын алу туралы талаптар қосылмайды. Мемлекеттiк нотариустың нотариаттық iс-əрекеттерi үшiн аумақтық əдiлет органы мүлiктiк жағынан жауап бередi. Мемлекеттiк нотариат кеңсесi аумақтық əдiлет органының құрылымдық бөлiмшесi болып табылады, оның заңды тұлға құқығы болмайды жəне осы орган бекiткен Ереже негiзiнде жұмыс iстейдi. Мемлекеттiк нотариат кеңселерi Қазақстан Республикасының аудандарында (қалаларында) орналасады. Дəріс №11. Нотариаттық қызмет субъектілерінің құзіреті Нотариаттық қызмет субъектілерінің пəндік жəне аумақтық құзыреті. ҚР «Нотариат туралы» Заңына сəйкес «жағдайлар мен шектер». Қазақстан Республикасындағы нотариат - құқықтар мен фактiлердi куəландыруға, сондай-ақ осы Заңда көзделген өзге де мiндеттердi жүзеге асыруға бағытталған нотариаттық iс-əрекеттердi жасау арқылы жеке жəне заңды тұлғалардың құқықтары мен заңды мүдделерiн қорғаудың заң жүзiнде бекiтiлген жүйесi. Заңмен белгiленген жағдайлар мен шектерде нотариаттық iс-əрекеттер жасауға мыналардың құқықтары бар: 1) мемлекеттiк нотариат кеңселерiнде жұмыс iстейтiн нотариустар (мемлекеттiк нотариустар) мен жеке практикамен айналысатын нотариустар (жекеше нотариустар); 2) аудандық маңызы бар қалалардың, кенттердiң, ауылдардың (селолардың), ауылдық (селолық) округтердiң əкiмдерi аппараттарының нотариаттық iс-əрекеттер жасауға уəкiлеттi лауазымды адамдары; 3) Қазақстан Республикасының атынан консулдық қызмет атқаратын адамдар; 4) Заңмен нотариаттық iс-əрекеттер жасауға уəкiлеттi өзге де адамдар. Нотариустың көмекшiлерi мен сынақтан өтушiлерi болуы мүмкiн. Қазақстан Республикасының азаматы ғана нотариустың көмекшiсi бола алады. Нотариустың көмекшiсi жеке практикамен айналысатын нотариуста еңбек шартының негiзiнде жұмыс iстей алады немесе мемлекеттiк нотариат кеңсесiнiң құрамында бола алады. Нотариустың көмекшiсi нотариустың тапсырмаларын нотариустың нұсқауымен жəне жауапкершiлiгiмен орындауға құқылы. Жоғары заң бiлiмi бар жəне аттестаттау комиссиясында аттестаттаудан өткен Қазақстан Республикасының азаматтары нотариустың сынақтан өтушiлерi бола алады. Сынақтан өтушiлер сынақтан өту туралы шарт негiзiнде жеке практикамен айналысатын нотариустарда немесе мемлекеттiк нотариустарда сынақтан өтедi. Заң мамандығы бойынша кемiнде екi жыл жұмыс стажы бар адамдар үшiн аумақтық əдiлет органы мен нотариаттық палатаның бiрлескен шешiмiмен сынақтың мерзiмi қысқартылуы мүмкiн. Сынақтың ұзақтығы үш айдан кем болмауы керек. Нотариустардың сынақтан өтушiлерiнiң сынақтан өтуiнiң тəртiбi, мерзiмi мен шарттары Қазақстан Республикасының Əдiлет министрлiгi бекiтетiн Нотариустардың сынақтан өтушiлерi туралы ережемен белгiленедi. жүктеу/скачать 448,1 Kb. Достарыңызбен бөлісу:
|