Нуржігіт Алтынбеков
287
жеріндегі жасушалар тобы су сіңіп ісініп, дистрофияға ұшырайды. Бұл
өзгерістер қайтымды. Қан құйылған жерлердегі кейбір тамырлардың төңірегіне
гемосидерин шоғырланады. Геморрагиялы инсультке шалдыққандардың 85%-
ының
миында гематома
қалыптасады. Ондай жағдайда артериолалар ауыр
зақымдалады; микроаневризмалар пайда болып, қабырғалары жыртылады.
Мидың тіні ыдырап, киста түзіледі. Ол кистаның ішінде ұйыған қан мен мидың
жидіген тіні болады (
мидың қызыл түсті жидуі
. Қан көбіне ми қыртысы
астындағы түйіндерге (мидың көру аймағына, ішкі қабығына) және мишыққа
құйылады. Оның көлемі әртүрлі: ми қыртысының астындағы түйіндерді
қамтып, кейде мидың бүйірлік және ІІІ, IV қарыншаларына, тіпті ми бағанына
дейін жайылады(164-сурет). Ондай инсульт, әдетте науқасты опат қылады. Егер
науқас тірі қалса, қан құйылған жерлердің айналасындағы ми тініне
сидерофагтар, түйіршікті шарлар, глиялық жасушалар шоғырланып, ұйыған
қанды таратады. Ақырында гематоманың орнында ішіне қоңырлау зат
жиналған, іргесі тот басқандай, қоңыр түсті
жылауық
(
киста
) қалады.
Гипертония ауруының милық түрімен ұзақ уақыт сырқаттанып, инсульттен
өлгендердің миында жаңадан құйылған қан ошақтарымен қатар, бұрынғы қанды
ошақтардан қалған кисталар да болады.
Достарыңызбен бөлісу: 
