Оқытудағы инновациялық технология – білім берудің жаңа сапасымен қамтамасыз етудің кепілі

Ақпараттық - коммуникациялық технологияны оқу үрдісіне енгізу мақсаты білім беруді ақпараттандыру процесінде оқушылардың дүниетанымдық көзқарасын қалыптастыру, ақпараттық орта құру және оны ұйымдастыру.

Бұл мақсаттан төмендегідей міндеттер туындайды:

1. Ақпараттық – коммуникациялық технологияны оқу процесінде пайдалану барысында бастауыш сынып оқушыларының сапалық деңгейін анықтау және оның оқу процесіне әсері.

2. Жеке, топтық және ұжымдық жұмыстарды компьютерді пайдалану арқылы ұйымдастыра білу.

3. Компьютерді пайдаланып өткізілетін сабақтарды өзара бір –бірімен сабақтастыра білу және оқушылардың өзіндік білім алуына жағдай жасау, оны бағалай білу.

Алған міндеттерді орындау негізінде мынадай нәтижеге қол жеткізе аламыз.

Жаңа технологияларды пайдалану арқылы оқушылардың танымдық шығармашылық қабілеттерін арттыру, жас ерекшелігіне сай ақпараттық сауаттылығын жетілдіру, өзіндік «Мені» қалыптасқан жеке тұлға тәрбиелеу

Білім берудегі ақпараттық технологиялар оқытуда қолданылатын электронды құралдар мен оларды функционалдау тәсілдерінің жиынтығын анықтайды. Білім беруде қолданылатын бағдарламалық техникалық құралдардың классификациялық белгілері ретінде мыналарды айтуға болады:

• 
  дидактикалық;
  
• 
  бағдарламалық ;
  
• 
  техникалық ұсыныс;
  
• 
  пәндік аумақта қолдануы.
  

Ақпараттық қоғамның негізгі талабы –оқушыларғаақпараттық білім негіздерінберу, құрылымдық ойлау қабілеттерін дамыту, ақпараттық технологияны өзіндік даму мен оны іске асыру құралы ретінде пайдалану дағдыларын қалыптастырып, ақпараттық қоғамға бейімдеу. Демек, ақпараттық бірліктердің білімге айналуы әлемнің жүйелік- ақпараттық бейнесін оқушылардың шығармашылық қабілеттері мен құндылық бағдарларын дамыту арқылы қалыптастыруды көздейтін, адамның дүниетанымының құрамдас бөлігі болып табылатын интелектуалды дамуды қалыптастырудың бір жолы.

Жаңа технологияны оқушы бойына сіңіру теориялық білім мен практикалық дағдыны шебер үйлестіруді талап етеді.

Бүгінгі таңдағы ақпараттық қоғам аймағындағы оқушылардың ойлау қабілетін қалыптастыратын және компьютерлік оқыту ісін дамытатын жалпы заңдылықтардан тарайтын педагогикалық технологиялардың тиімділігі жоғары деп есептеймін.