Жабдықтар: зерттелуші адам – ерікті (волонтер).
Жұмыс барысы:
Ромберг тұрысы.
Зерттелуші адамға аяқтарын ығыстырып, қолдарын алға созып, көздерін ашып, содан кейін жұмып тұру ұсынылады.
Жұмыс нәтижесін қорытындылауға арналған ұсыныстар: Ромберг тұрысында дене тепе-теңдігі сақталатындығын сипаттаңыз.
Күрделі Ромберг тұрысы. Жүру.
Зерттелушіге ұсынылады: бір аяғыңыздың алдында екінші аяғыңызбен тұру (бір сызықта өкшеден саусаққа дейін), қолды алға созып, көзді ашып, содан кейін жұмып тұру; аяқтарын ығысып тұрыңыз, содан кейін басыңызды кезек-кезек екі жаққа, алға, артқа еңкейтіңіз; саусақтарыңыздың үстінде тұрыңыз; көзді ашып-жұмып бір аяқпен тұру; бөлмеде алға-артқа (бір қатарда) және жан-жаққа (қаптал жүрісі) ашық және жабық көзбен жүруді ұсыныңыз.
Жұмыс нәтижесін қорытындылауға арналған ұсыныстар: Дене тепе-теңдігі сақтала ма, жоқ па, зерттеу кезінде жүріс қалай көрінеді, сипаттаңыз.
Мұрын- саусақ сынамасы.
Зерттелушіге мұрынның ұшын сұқ саусағымен көзін ашып, содан кейін көзін жұмып ұстау ұсынылады.
Жұмыс нәтижесін қорытындауға арналған ұсыныстар: сынау барысында
саусағын мұрынына тигізе ала ма жоқ па соны сипаттайсыз.
Диадохокинез.
Зерттелушіден қолдарын созуын, саусақтарын жайып, кезекпен пронация мен қолдың супинациясын барынша жылдам қарқынмен жасауын сұраңыз.
Жұмыс нәтижесін қорытындылауға арналған ұсыныстар: қозғалыстарды сипаттаңыз, баяулады ма, қозғалыстардың үйлесімдігі бұзылған ба, жоқ па, бұзылса, қай жағынан.
Сөйлеу.
Зерттелушіден айтуға қиын бірнеше сөздер мен сөз тіркестерін қайталауын сұраңыз (мысалы: жер сілкінісі, ракета ғылымы, аэронавтика және т.б.).
Достарыңызбен бөлісу: |
