Қорытынды сөз кезегін әділ-қазылар алқасына береміз.
2 – жүргізуші (МАРЖАН): Мұқағалиын ел - жұрты шын құрметтейді, шын қадірлейді. Жоғарғы жақтың ешбір нұсқауынсыз, бұйрығынсыз - ақ жалпыхалықтық көлемде мерекеленетін бірден - бір той – Мұқағали тойы.
1 – жүргізуші: Жылдар өтер... әлі небір ақындар дүниеге келер. Бірақ қара өлең құдіретін аспанға көтерген Мұқағали есімі қашанда биіктен көрінер. Мұқағали поэзиясы әрбір мезгілмен бірге, әр ұрпақпен бірге.
2 – жүргізуші (МАРЖАН): «Өлсе өлер Мұқағали Мақатаев, Өлтіре алмас алайда өлеңді ешкім» деп өзі айтып кеткендей мәңгілік жасай бермек! Ақынның ой айтудағы өткірлігі, батылдығы біздерге өнеге, тәлім, сабақ берері сөзсіз.
1 – жүргізуші: Ия, өлең өлмейді. Ендеше өлеңді жазған ақын да өлмейді. Мұқағали Мақатаев көз жұмған жоқ!
2 – жүргізуші (МАРЖАН): Осымен ақиық ақын Мұқағали Мақатаевқа арналған поэзия кешіміз аяқталды. Жыр әлемінде кездескенше аман сау болыңыздар!
