Өсімдік ұлпаларын өсіру және биотехнология бойынша зертханалық
жүктеу/скачать 4,52 Mb. Pdf көрінісі
|
Өсімдіктер биотехнологиясы зертханалық сабақтар (1)
| 4.1.
Зертханалық жұмыстар № 1 ж ұ м ы с. Сәбіздің каллустық ұлпаларынан өсімдіктің регенерациясы Қажетті материалдар мен аспаптар: Сәбіздің паренхималық ұлпаларынан алынған тығыз құрылымды каллустар. Мурасиге және Скуг қоректік ортасы; Гельригель қоректік ортасы; этил спирті; стерильді дистильденген су. Ламинар-бокс; термостат; жарық бөлмесі. Пинцеттер; скальпельдер; инелер; Петри тостағаншалары; пробиркалар; стакандар; парафильм; мақта; алюминий фольгасы; диаметрі 7-10 см болатын пластикалық немесе торфтан жасалған құмыралар; вермикулит. Жұмыстың орындалутәртібі: 1. Осының алдындағы жұмыстағы сәбіздің паренхималық ұлпаларынан алынған тығыз құрылымды каллусты стерильді жағдайда пробиркадан шығарып, көлемі 5 мм-дей болатын бөліктерге майдалайды. 2. Каллус фрагменттерін каллустың оптимальды өсуіне арналған Мурасиге және Скуг қоректік ортасына отырғызып, 20-22 С температурада, жарық қарқындылығы 1000 лк болатын 16 сағаттық фотопериодтық режимде өсіреді. 2-3 аптадан кейін каллус ұлпаларында жасыл түсті меристемалық учаскелер пайда болады. 3. Каллус отырғызылғаннан 4-5 күннен кейін өскіндер пайда бола бастайды. 7-8 апта өткен соң өскіндерді каллустан ажыратып, тамырдың түзілуі үшін, оларды Мурасиге және Скугтің 1/2 тұзы бар, гормонсыз коректік ортасына отырғызады. Өскіндерді жарык қарқындылығы 3000лк болатын 16 сағаттық фотопериодтық және 25-27°С температуралык режимде өсіреді. 4. Тамыры қалыптасқан сәбіз өскіндерінің ұзындығы 10-15 см-ге жеткен соң, оларды арнайы дайындалған топыраққа отыргызады. Ол үшін дегидратацияны болдырмас үшін және қоректік ортаның қалдықтарынан арылу үшін өскіндерді 10-15 минут дистильденген суда ұстайды. Осыдан кейін оны 3 рет дистильденген сумен жуып, диаметрі 7-10 см болатын пластикалық немесе торфтан жасалған құмыраға отырғызады. Құмыраны 1/3 бөлігіне дейін Гельригель қоректік ортасына батырып алынған вермикулитпен толтырады. Өскіндердің ылғалдылығын бірқалыпты жағдайда ұстау үшін құмыраны стаканмен жауып, шашыраңқы жарықка қояды. 5. Өскіндердің қоршаған ортаға бейімделуін қалыптастыру үшін өскін жабылған стакандарды оқтын-оқтын алып қойып, өскіндерді ашық ауада ұстайды. 6. Осындай әдіспен өсірілген өсімдік регенеранттарын ашық топыраққа отырғызуға болады. жүктеу/скачать 4,52 Mb. Достарыңызбен бөлісу:
|