Оқулық 2 басылым жоғары деңгей Астана, 2018 Қо с ы м ш а диск
Мәтінді тыңдап, дұрыс/қате
жүктеу/скачать 10,63 Mb. Pdf көрінісі
|
| 12. Мәтінді тыңдап, дұрыс/қате
жауаптарды белгілеңіз. №12 Қазақстанның БҰҰ-ға мүшелікке қабылдануы тарихынан 1991 жылы 31 желтоқсанда Қазақстанның өкілі А.Х. Арыстанбекова БҰҰ Бас хатшысына Қазақстан Республикасының БҰҰ-ға мүше болып қабылдануы туралы өтінішін жеткізді. Қазақстанның өтініші рәсім ережелеріне сәйкес Бас хатшы тарапынан Қауіпсіздік Кеңесіне жіберіліп, ол 1992 жылы 16 қаңтарда өткен мәжілісте қаралды. Қауіпсіздік Кеңесі өтінішті жаңа мүшелерді қабылдау Комитетіне жіберді. Қазақстанның кандидатурасын қарастыру барысында Қауіпсіздік Кеңесінің мүше-мемлекеттері Қазақстанның ядролық қаруды таратпау мәселесіндегі ұстанымын, өтпелі кезеңдегі мемлекеттің стратегиялық ядролық қарулану, оны таратпау туралы Шартқа қосылу мәселелерін талқылады. Қазақстанның өкілі республиканың Ұйымға мүшелікке қабылдануына саяси қолдауды қамтамасыз ету және жаңа тәуелсіз мемлекеттің саясатымен таныстыру мақсатында, еліміздің ниетіне оң көзқарастарын білдірген АҚШ, Қытай, Франция, Ұлыбритания, Жапония, Германия, Үндістан, Бельгия, Египет, Нигерия, Бразилия елшілерімен кездесті. Жаңа тәуелсіз мемлекеттің БҰҰ-ға мүшелікке қабылдануын қолдаған және болашақта нәтижелі ынтымақтастықта болатындарына үміт білдірген БҰҰ Бас хатшысы Бас Ассамблея төрағасымен кездесті. 1992 жылы 23 қаңтарда Қауіпсіздік Кеңесі «Қазақстан Республикасының Біріккен Ұлттар Ұйымына мүше болып қабылдануы 320 туралы жаңа мүшелерді қабылдау Комитетінің баяндамасын» талқылап, Қазақстан Республикасын БҰҰ-ға мүшелікке қабылдауды ұсынды. 1992 жылы 2 наурызында Бас Ассамблея Қауіпсіздік Кеңесінің 1992 жылы 23 қаңтардағы ұсынысын және еліміздің өтінішін қарастырып, Қазақстан Республикасын БҰҰ-ға мүшелікке қабылдау туралы шешім шығарды. Осылайша әлемнің картасында Ұйымның 168-ші мүшесі болып кірген жаңа тәуелсіз мемлекет – Қазақстан Республикасы пайда болды. Қазақстанның Біріккен Ұлттар Ұйымына мүшелікке қабылдануы жаһандану жағдайындағы халықаралық ынтымақтастық пен саяси, экономикалық, экологиялық, әлеуметтік, мәдени және гуманитарлық сипаттағы халықаралық мәселелерді шешуге толыққанды қатыса алуына мүмкіндік берді. (http://e-history.kz/) жүктеу/скачать 10,63 Mb. Достарыңызбен бөлісу:
|