Тəубе – күнəдан қайту, өкіну жəне кешірім сұрау деген мағыналарды қамтиды. Қазақ тіліндегі тоба сөзі тəубеден келеді.
Тəяммум – Шариғатта су жоқ немесе су бар бірақ пайдалану
мүмкін емес болғанда жасалатын тазалық процедурасы. Екі алақан
мен жүзді таза топырақпен мəсіх ету арқылы жасалады.
Уахи – Алладан келген аян, тылсым хабар дегенді білдіреді.
Құран бойынша уахи тек пайғамбарларға ғана келмейді, сонымен
қатар Алла тағаланың бал арасы секілді жəндіктерге аян еткен
табиғи ерекшеліктері де уахи сөзімен жеткізіледі.
Хикмет – даналық жəне терең саналылық, бір істегі түпкі ақли
себеп деген мағыналарды қамтиды.
Һидаят – Ислам дінінде Құран жəне хадистермен көрсетілген
тура жолды һидаят деп атайды. Құран бойынша тура жолға, яғни
һидаятқа салушы тек Алла тағала жəне тура жолдан адастырушы да
Сол ғана.
Ширк – Алладан өзгеге табыну немесе Аллаға табынумен қатар
тағы да басқа бірдеңеге табыну, немесе Алладан өзгеге тəңірлік си-
патты жарастыру дегенді білдіреді. Оны қазақ тілінде кейде серік
қосу, ортақ қосу, серік қату деп те атайды.
