Оқулық Қазақстан Республикасы Білім және ғылым министрлігі бекіткен Алматы, 2011
жүктеу/скачать 2,02 Mb. Pdf көрінісі
|
| 5.3-сурет
. Абстракты жолдар картасы: есімдер арасындағы қатынастардың графикалық түсіндірмесі Қосылған процедуралардың қолдану процесін шыңдарды тудыру немесе варианттарды іріктеп алу деп атайды. Жаңа шыңды тудырған кезде ескі шыңға сілтегіш міндетті түрде есте қалдырылады. Іріктеп алудың аяғында осы сілтегіштердің жиынтығы есептің шешу жолын жасайды. Бұл жол орындалған қосылған процедуралар аттарымен бірге жазылады, мысалы: А = ( r 1( r 2( r 3))), мұнда r — граф қабырғалары; немесе A ( B ( C ( D ))). Әрбір мүмкін болатын мақсаттар ағаштың «бұтағын» терминалды фактілерге дейін немесе берілген тереңдікке дейін ашуға байланысты, соқыр іріктеп алудың (бұл үдерісте мақсатты шыңның орналасуы ашудың ретіне әсер етпейді) екі негізгі стратегиясын ажыратады: «ені бойынша» және «тереңдік бойынша». Бірінші жағдайда шыңдар тудырылған ретке сәйкес ашылады ( breadth — first process ). Екінші жағдайда әрбір қадамда алдымен, соңғы құрылған шың ашылады ( depth — first process ). Егер күйлер кеңістігінің графы және мақсаттың орналасуы туралы пікір алуға мүмкіндік беретін заттық саласы бойынша кейбір қосымша ақпарат бар болса, онда эвристикалық («ашуға қызмет ететін») іздестіру туралы айтады. Бұрыңғы тәжірибеге негізделетін эвристикалық ақпарат ең перспективалы бағыттарда іздестіруді орындауға мүмкіндік береді. Граф туралы айтқанда, оның тек ең қарапайым типін қарастырамыз – «ағаш» типті граф. Ағаш – бұл әрбір шыңының алдында тек бір ғана шыңы (аналық шың) болатын граф. Түбір-шыңнан басқа, оның алдында шыңдар жоқ. |