3. Алдын ала қорғау. Деректерді сақтаудың тəуір саясаты
сақ тандыратын сипатта болады. Рұқсатсыз қатынауға немесе іс-
қимылға жол бермеу арқылы ақпаратты сақтаймыз. Бірақ алдын
алуға негізделген жүйе деректерді қауіпсіз сақтауға көмектесетін
құралдар мен əдістерді əкімшінің мүлтіксіз меңгеруін қажет етеді.
4. Бірегейлендіру. Желіге қатынау үшін біз пайдаланушы-
ның аты мен парольді дұрыс енгізуіміз қажет. Парольдер пайдала-
ну шының есепке алу жазбаларымен байланысты болғандықтан,
парольдерді жүйелік сəйкестендіру рұқсатсыз қатынауға қарсы
қорғаныстың бірінші шебі болып табылады.
5. Үйрету. Жақсылап үйренген желі пайдаланушысының де-
ректерді байқамай бүлдіру ықтималдығы аз болады. Əкімші
желі пайдаланушыларын жұмыс істеу мен қауіпсіздік əдістерінің
барлық егжей-тегжейіне үйрету керек. Ол үшін ол қысқа, түсінікті
нұсқау əзірлеуі, қажет болғанда, əсіресе жаңа пайдаланушыларға
үйретуді ұйымдастыруы мүмкін.
