Оқулық «Білімді дамыту федералдық институты»
жүктеу/скачать 0,81 Mb.
|
| БАСҚАРУ ОРГАНДАРЫ ЖӘНЕ
2.8. ЗАҢНАМА САҚТАЛУЫН БАҚЫЛАУ КӘСІПОРЫНДАРДАҒЫ ЕҢБЕК ТУРАЛЫ РФ Еңбек кодексінің 217-бабына сәйкес еңбекті қорғау талаптарын қамтамасыз ету және қызметкерлерінің саны 50 адамнан асатын әрбір қызмет берушіде олардың орындалуын бақылауды іске асыру мақсатында, еңбекті қорғау қызметі құрылады және тиісті дайындығы немесе осы салада жұмыс тәжірибесі бар еңбекті қорғау жөніндегі маман (бас инженер) лауазымы енгізіледі. Бұл қызмет еңбекті қорғау жөніндегі жұмысты ұйымдастыруға және еңбек туралы заңнаманың сақталуын бақылауға, еңбекті қорғау, өндірістік санитария, өрт қауіпсіздігі жөніндегі нұсқаулықтарды әзірлеуге міндетті. Бас инженер еңбекті қорғау жөніндегі жұмыс жоспарларын әзірлеу және іске асыру жөніндегі жұмысты басқарады, қызметкерлерді еңбекті қорғау жөніндегі нұсқаулықтармен және ережелермен қамтамасыз етеді, кәсіпорын қызметкерлерінің қауіпсіздік техникасы бойынша нұсқаулардан өтуін тіркеу журналын жүргізеді. Егер штаттық кестеде бас технолог және шебер бар болса, олардың функциялары келесідей етіп бөлінеді: бас технолог тиімді және қауіпсіз технологиялық процестерді, аспапты әзірлеу және енгізуді, технологиялық нұсқаулардың сақталуын қамтамасыз етеді; шебер жұмыс орындарында еңбектің қауіпсіз жағдайларын ұйымдастырады және жасайды, жабдықтың жай-күйін және дұрыс пайдаланылуын қадағалайды, жұмыс орынында еңбекті қорғау жөніндегі нұсқауды жүргізеді. Жыл сайын кәсіпорында ұжымдық шарт - жұмыс беруші мен қызметкерлердің арасындағы еңбек және әлеуметтік-экономикалық қатынастарды реттейтін оқшауландырылған нормативтік акт жасалады. Еңбектің қауіпсіз жағдайларын қадағалау және бақылау бірнеше кезеңмен іске асырылады: әкімшілік-қоғамдық бақылау (үш сатылы бақылау); кәсіпорынның еңбекті қорғау қызметін іске асыратын бақылау; басшының және басқа лауазымдық тұлғалардың жедел бақылауы; жоғарғы органдардың ведомстволық бақылауы. Әкімшілік- қоғамдық бақылау — әкімшіліктің және кәсіпорынның кәсіподақ комитетінің еңбек жағдайлары жай-күйін бақылауының негізгі нысаны. Ол сатылы ұйымдастырылады: барлық қызметкерлер жұмыс орнында күн сайын; жұмыс беруші және қызметкерлер өкілдері бірлесіп — тоқсанына бір рет (еңбекті қорғау жөніндегі комитетке өкілеттік берілген); кәсіпорын басшысы кәсіподақ комитеті төрағасымен бірлесіп — жарты жылда бір рет. Жоғарғы басқару органдары мемлекеттік қадағалау органдарымен бірлесіп, жылына бір рет бақылау жүргізеді. Еңбек туралы заңнаманың орындалуына қоғамдық бақылауды кәсіподақтар іске асырады. Кәсіподақтар өкілдерінің Ресей Федерациясы Еңбек туралы заңнамасының еңбек келісім- шарттарын (контракт) жасау, жұмыс уақыты және демалыс уақыты, еңбекке жалақы төлеу, кепілдіктер мен өтемақылар және т.б. мәселелері бойынша сақталуын тексеруді іске асыру құқығы бар. Мемлекеттік қадағалау органдары және кәстодақтардың еңбек техникалық инспекциясы іске асыратын бақылау: еңбекті қорғау жөніндегі заңнама сақталуын тексеруді іске асыру; егер олардың өндірістік қызметі еңбекті қорғау жөніндегі талаптарды бұза отырып, іске асырылса, кәсіпорын жұмысын тоқтату құқығын береді. Мемлекеттік еңбек инспекторының кез келген уақытта жұмыс берушінің аумағына келу және еңбек туралы заңнама сақталуын тексеру құқығы бар. Инспектордың жазатайым оқиғаларға тексеру жүргізу, лауазымдық тұлғаларға бұзушылықтар үшін ауызша тәртіпте айыппұл салу немесе ескертулер жасау құқығы бар. жүктеу/скачать 0,81 Mb. Достарыңызбен бөлісу:
|