Оқулық Ә.Ә. Шортанбаев, С. В. Кожанова
Комплемент жүйесінің нәруыздарына рецепторлар
жүктеу/скачать 10,03 Mb. Pdf көрінісі
|
immunologia Shortanbaev- казакша
- Бұл бет үшін навигация:
- CR1 (CD35).
- CR2 (CD21).
| Комплемент жүйесінің нәруыздарына рецепторлар
Компонент фрагменттері мен кейбір бос компоненттер, сонымен қатар бактериялардың, вирустардың, саңырауқұлақтардың және жасушалардың бетінде фиксацияланған фрагменттер көптеген жасуша бетіндегі комплементке арналған мембранды рецепторлармен байланысады. Жасушалармен рецепцияға комплементтің табиғи компоненттері емес олардың әртүрлі функционалды қасиеттері бар ыдыраған фрагменттері қатысады. Комплемент компоненттерінің фрагменттеріне арналған рецепторлар екі түрлі тұқымдастыққа жатады: комплементтің активтенуін реттегіштер тұқымдастығы (RCA – regulators of complement activation) және β2- интегриндер тұқымдастығы. CR1 (CD35). Молекулалық салмағы 160-250 кД. Бұл рецептор С3b, С4b, iС3b фрагментерін байланыстырады және жасушаларда кеңінен 72 тараған. Олар: макрофагтар мен нейтрофилдер, В-лимфоциттер, фолликулярлы дендритті жасушалары және эритроциттер. Жұқпалардан кейін қанда ерігіш иммундық кешендердің біраз мөлшері жинақталып қалады. Олардың қан айналымында болуы тамырлардың қабырғасы үшін қауіпті. Сондықтан комплементтің белсенді компоненттері - С4b мен C3b ерігіш иммундық кешендермен ковалентті байланысады және оларды CR1 арқылы эритроциттерге қосады, ал олар өз кезегінде иммундық кешендерді бауыр мен көкбауырдағы макрофагтарға алып келеді. Макрофаг эритроцитті зақымдамай, оның бетіндегі иммундық кешенді «шешіп» алады. Осылайша қанның иммундық кешендерден тазаруы қамтамасыз етіледі. С3b мен С4b фрагменттерінің CR1 байланысуы нәтижесінде нейтрофилдермен және моноциттермен иммундық кешендердің фагоцитозға ұшырауы ынталанады. CR2 (CD21). Бұл рецептор көбіне В-лимфоциттер мен фолликулярлы дендритті жасушаларда кездеседі. В-лимфоциттерде CR2 рецепторы Эпштейн-Барр вирусы үшін лиганда қызметін атқарады. жүктеу/скачать 10,03 Mb. Достарыңызбен бөлісу:
|