Түркі академиясы халықаралық Ұйымы йүСҮП ҰЛЫҚ хас-хажиб баласағҰНИ
Өгдүлміштің Одғұрмышқа [берген] жауабы
жүктеу/скачать 1,36 Mb. Pdf көрінісі
|
| Өгдүлміштің Одғұрмышқа [берген] жауабы
Өгдүлміш те жауап берді толғап ой: «Мен Естідім, әдемілеп айттың ғой! Дүниенің халі болса осылай, Сен жолыңды ащы қылма, досым-ай! 3590. Бұ Жалғанды сен өзіңе қылма тар, Жазған құлға Алла төгер мейір бар. Мол рахым, көп болғанда азабы, – Рахым бар жазғандарға – ғажабы!» Сен азаптан қорық – үміт үзбегін, Ғибадат қып пендешілік іздегін. Әлем халқы кентін, ұлыс, тастаса, Тау аралап, қаңғып кете бастаса, – Әлем қурап, түк қалмас-ты көз ілер, Ұрпағы да адамзаттың үзілер! 3595. Барша халық дүние-мал тіленіп, Күні-түні зыр жүгірсе түленіп, – Ғибадатты жұрт ұмытса тым-ақ та, Бос қалмас-ты сонда тамұқ, жұмақ та! Бар халыққа екі үйді Алла жаратты, Бірі – жұмақ, бірі – тамұқ бар етті. Көз бен құлақ құлға Құдай беріпті: Екі өмірді естіп, көрсін – ерікті. Қос қол берді жұмсасын деп һәманда: Біреуін – бұл, біреуін – ол заманда. 302 3600. Екі аяқты берді Құдай бір ерге, О Жалған мен бұ Жалғанда жүрерге. Ақылды адам айтқан қылып сырындай: «Сақ болып жүр бір бәлеге ұрынбай!» Жаратты Алла екі Жалған тізбегін: Бірін тапсаң, екіншісін іздегін. Жаратты Алла адамзаттың ретін, Бір ашығып, бір тойынып жүретін. Киер киім, керек ішер, жемі де, «Бұл екеуі – осы өмірдің емі» – де! 3605. Тірі жандар соқпай кетпес оларға, Иін бүтін, құлқын толық боларға. Адал малды ал кеп жесең теліп ап, Берсең үлес кедейлерге бөліп ап! Кұлқынқұмар болмаса адам жүрмес ед, Құлқын құмай адам өмір сүрмес ед. Қорқып, Құдай жолына ылғи үңіл де, Мейірінен үміт еткін, түңілме! Бұл екі амал – құлдық жолын табасың, Жазба жолдан қылып құлдың тобасын! 3610. Білім берген кісі айтыпты даналық, Білімсізге «бұл – кеңес» деп саналық: «Үміт, қауіп – қос қанат қып байлағын, Арасынан жол табуды ойлағын. Құлдық ұрып, жарлығын тұт Құдайдың Аспан асып, шаттық күйін ойнағын!» 303 Қос қанатың – сол үміт пен сол қауіп Көкке ұшасың екеуімен жол тауып. «Күнәм көп» деп үміт үзбе, ләм демей, Ғибадат қыл, қапы қалма кам жемсй. 3615. Ғибадат қыл – пенделік қой бұл әрі, Аты «құл» -дың ғибадат қой қылары. Құрмет тұтып бір Алланың бұйрығын, Қадірсіз ғып, баспа бәле құйрығын. «Ел жаманы – бір өзім» деп танығын, Жақсы болсаң – айт тәуір сөз, анығын. Бар білгенді айттым, осы – түйіні, Асыр іске – келер саған иіні. Егер осы сөзді қабыл алмасаң, Бер жауабын – мен тыңдайын: ол да – заң! 3620. Ұзақ сөздің пайдасы жоқ тиетін, Қойдым сосын сөзді үзату ниетін!» жүктеу/скачать 1,36 Mb. Достарыңызбен бөлісу:
|