Оқулық физика 9 проект башарұлы Р. т б

ПРОЕКТ
Р. Башарұлы, Ш. Шүйіншина, К. Сейфоллина
Алматы «Атамұра» 2019
Жалпы білім беретін мектептiң 9-сыныбына арналған оқулық
ФИЗИКА
9

ПРОЕКТ
 
Башарұлы Р. т.б.
Б 00
Физика
: Жалпы білім беретін мектептің 9-сыныбына арналған оқу лық 
Башарұлы Р., Шүйіншина Ш., Сейфоллина К. – Алматы: Атамұра, 2019. –
304 бет.
ISBN 000-000-000-000-0
ӘОЖ 000
КБЖ 000
Б 0 
© Башарұлы Р., Шүйіншина Ш.,
Сейфоллина К., 2019
© «Атамұра», 2019
ISBN 000-000-000-000-0
Шартты белгiлер:
 
– сұрақтар
– жаттығулар
– деңгейлiк тапсырмалар
– практикалық және эксперименттік тапсырмалар
– теориялық зерттеу
– ғылым мен техниканың даму тарихынан
– тереңдетiлген деңгейдегі қосымша материалдар
?
ӘОЖ 000
КБЖ 000

3
ПРОЕКТ
Алғы Сөз
Қымбатты балалар!
Биылғы оқу жылында сендер негізгі мектепке арналған «Физика» 
курсын толық аяқтайсыңдар. 9-сыныпқа арналған «Физика» оқулығын-
да механиканың негізгі заңдары қарастырылады. Бұл заңдар әртүрлі де-
нелердің, планеталардың, жасанды 
ж
ер серіктерінің, зымырандардың 
т.с.с. қозғалысын түсіндіру үшін қолданылады. Сондай-ақ бұл оқулық 
дыбыс құбылыстары мен радиобайланысты түсіндіруге мүмкіндік беретін 
механикалық және электрмагниттік тербелістер мен толқындардың фи-
зикалық негіздерімен де, аспан денелеріне қатысты астрономиялық де-
ректермен де таныстырады.
Оқулықтың едәуір бөлігі қазіргі заман физикасына арналған. Осыған 
орай, кванттық теория, атом және атом ядросының құрылымы жайын-
да алғашқы түсініктер беріліп, ядролық (атомдық) энергияны босатып 
алудың физикалық принциптері кеңірек баяндалады.
9-сыныпта физикадан оқылатын материалдардың барлығы да сен-
дердің 7–8-сыныптарда физика курсынан алған білімдеріңе негізделеді. 
Сондықтан оларды алдын ала қайталап, естеріңе түсіріп отыру – сапалы 
білім алудың кепілі болып табылады.
Әрбір тараудың бастауында оқушылардың міндетті түрде меңгеруіне 
арналған бағдарламалық оқу мақсаттары көрсетілген және естеріңде 
ұзақ сақталуға тиісті ең маңызды терминдердің (заңдар мен ұғымдардың) 
тізбесі үш тілде берілген. Әр тақырыпты оқыған сайын оқу мақсаттары-
ның орындалғанына үнемі көз жеткізіп отырыңдар. Оқулықтағы түйінді 
заңдар мен ұғымдар санаулы ғана (олардың біразы әр тараудың соңында 
берілген). Мұндай түйінді заңдар мен ұғымдарды терең меңгеруге, 
берілген есептердің шығару амалдарын толығымен игеруге тырысыңдар.
Өмірлеріңдегі ең бірінші жауапты да маңызды кезең –негізгі мектепті 
бітіріп шығатын оқу жылы әрқайсысыңа қайырлы да сәтті жыл болсын!

4