| Көбелектер (қабыршақ қанаттылар Lepidoptera). Бұлардың
ішінде астық қорының зиянкестеріне күйе, қанкөбелек,
қоңыркөбелек тұқымдастарының өкілдері жатады.
Барлық көбелектер де қоңыз секілді даму сатысынан өтеді:
жұмыртқа, балапан құрт (жұлдыз құрт), қуыршақ, көбелек. Екі
пар қанаты болады, оны да денесі секілді қабыршақ қаптап
тұрады. Ауыз аппараты жалауға лайықталған, сондықтан
көбелектер дəндермен қоректенбейді, балапан құрттардың
жинағандарының есебінен тіршілік етеді. Жұлдызқұрттың ауызы
кеміруге лайықталып, жақсы жетілген. Кеудесінде үш,
бауырында екіден беске дейін қос аяқтары болады. Тірі жəндік
сұйық зат бөліп шығарады, ол ауада қатады да, өрмек құралады.
Жұлдызқұрт қуыршақтанар алдында одан піллə жасап, онымен
өздері зақымданған өнімді торлап тастайды.
Астық қорының ең қауіпті зиянкес көбелегіне дəндер жəне
қойма күйесі, ұн қанкөбелегі, дəндер қоңыр көбелегі жатады.
Достарыңызбен бөлісу: | 
