30-сурет. Трикотаж машинасының инелері және платинасы а – тілшелі ине; б – ілгекті ине; в – платина Ал ілгекті инеде (25,а – сурет) өзек 1, ілгек 2, тостаған 3 болады.
Тостағанның белгілеуі – пресстеу операциясы кезінде ілгек ұшының
өзекке жатуын қамтамасыз етеді. Ілгекті инелер ұзын және майысу кезінде
қаттылығы төмен болуы қажет.
Машинаның өнімділігін жоғарылатуда, тілшенің және ілгектің
ұзындығымен анықталынатын иненің жүрісін төмендету елеулі орын
алады. Бұл өлшемді төмендету үшін иненің құрылымы өзгертілген.
Осының нәтижесінде иненің жаңа түрі – құрама инелер пайда болды. Ал
бұрын құбырлы инелер өңделіп қолданылған. Қазіргі кезде негіздеп тоқу
өндірісінде ең көп қолданылатын ине – саңылаулы инелер болып
табылады (25,в – сурет).
Платиналар, ілмектің қалыптасуы жүретін кеңістік жасайды; бекіту
операциясын орындаған кезде қозғалатын инелермен көтерілетін ескі
ілмекті ұстап қалады, сонымен қатар тоқу аймағынан ілмекті тартуды
жүзеге асырады. 30,в-суретінде бірфонтурлы шеңберлі тоқу
машинасының платинасы көрсетілген. Платина иектен 1, мұрыншадан 2,
мойындықтан 3, өкшеден 5, негізден 4 тұрады. Платиналардың құрылымы
ә
ртүрлі және ілмек тоқу кезіндегі олардың жұмысы, нақты трикотаж
машинасын оқып үйренуде жеке қарастырылады (30,г – сурет).
Пресс. Бұл ілмекқалыптастыру бөлшек пластина немесе диск
түрінде болады. Мұның көмегімен ине ілгектеріне қысым жүзеге
асырылады және күзу жабылады.
Жіпжүргізгіш. Бүл бөлшек саңылауы бар пластина түрінде
дайындалады және инеге жіптің төселуін қамтамасыз етеді.
96
Құрылымы әртүрлі машиналарда құрылғыларының өзіндік өрекшеліктері
бар пресстер және жіпжүргізгіштер қолданылады.
