ҚазаҚстан мұсылмандары діни басҚармасы АллАғА мАдАқ (таңдаулы діни өлеңдер) алматы, 2010
жүктеу/скачать 2,13 Mb. Pdf көрінісі
|
Allaga madak
| Толымбеков Дастан Наурызбайұлы
Алматы облысы, Алмалы ауылы. ШЕбЕРді ШЕбЕР дЕгЕнШЕ ... Ассалаумағалейкум, мұсылмандар! Жырларын мүшәйраға ұсынғандар. Беймәлім алты Алаштың арасында, Тамсантып, талайларды ысылған бар. Сахна төріндегі сан саңлақты, Салмақты жырларымен ысырған бар. Ат қосқан аламанға атбегідей, Артында суып, күйіп, ысынған бар. Сөз салса, ауызға Алла абыройлы, Қоя бер, аттың басын, қысылмаңдар. Ассалаумағалейкум мұсылмандар! * * * Жаратып алты күнде Аспан, Жерді. Бекемдеп тау, тасымен асқар белді. Құт қойып асты-үстіне қара жердің, Қойнына толтырды асыл тастан-кенді. Бұлт анау, аспандағы қара бауыр, Нөсерін төгуге алып барады ауыр. Шаң басқан шартарапты шомылдырып, Міндетін мінсіз өтеп қалады-ау бір. Жауыны көгертетін көкті кілең, Жаратқан жеті қат қып-Көкті, білем. Топан су жүргіздірді Нұх еліне, Күнәһар, шектен шыққан-көптігінен. 246 Аллаға мадақ Ай, Күнді, Жерді есеппен айналдырып, Арқаусыз бір-біріне байландырып. Жаратты күллі Әлемді күмән, мінсіз, Адамзат, ғаламзатты қайран қылып! Түрлі апат, жіберетін тосын жайтын, Құдірет күшке ие-Ол, осындай тым. Қиырда қос теңіз бар, ащы, тұщы, Сулары бір-біріне еш қосылмайтын. Шебердің шеберлігін жаздым, әрі: Мезгілді-күз, қыс, көктем, жаз қылады. Ананың құрсағында-ақ нәрестенің, Тағдырын Періштемен жаздырады. Басына бар байлықты үйіп, төгіп, Біреуді сынау үшін мәз қылады. Тақ-тұқ қып, тарықтырып енді бірін, Ризық, несібесін аз қылады. Бәрі-сын, құдіреті күшті-Құдай, Қаласа «тақуа» да, «таз» қылады. Тірлікте тату, қату жүргіздіріп, Көріңді бір-біріңе қаздырады... Шайтанға ерік беріп қойғаны рас, Әзәзіл әркімдерді-ақ аздырады. Адасып, Ібіліске ергендерін, Қиямет күні жиып, жазғырады... «Сүттен ақ, судан таза...» - демесек те, Арқалап жүргеміз жоқ аз күнәні. Тамшыдан түзіп бізді мүсіндеген, Жаратқан бар екенін түсін, -дер ем. 247 Таңдаулы діни өлеңдер Ақырғы Пайғамбарға үмбеті мен, Құдай да Құран текке түсірмеген! Иманды болсаң Иең-сүйер құлын, Жарылған аяқ-қолың күсіңменен. Ұқсатпай бір-біріңді еш - жасағанға, Сансыз мақтау, мадақ айт бас аманда. Өлтіріп, Қияметте-тірілтетін, Сәжде қыл күшке ие-Жасағанға! |