«Педагог» кәсіптік стандарты
жүктеу/скачать 149,07 Kb.
|
прилож каз (1)
- Бұл бет үшін навигация:
- 1 тарау. Жалпы ережелер
|
Білім беру 4.0. «Педагог» кәсіптік стандарты Кіріспе Қазақстандық қоғам ұлтты ілгерілетуге бағытталған, қазіргі және келесі ұрпаққа еліміздің дамуына өз үлесін қосуға мүмкіндік беретін білімнің маңыздылығын түсінеді. Педагог өз қызметімен -аналармен және мемлекетпен сенімді серіктестікте қазақстандық балалардың бүгінгі және болашақ әл-ауқатын анықтайды. Педагогтің кәсіптік стандартын әзірлеу кезінде Қазақстанда білім беру сапасын академиялық және практикалық арттырудағы қазіргі және болашақ қажеттіліктер, білім беру саласындағы заманауи зерттеулер және үздік халықаралық тәжірибе ескерілді. 1 тарау. Жалпы ережелер 1. Педагогтің кәсіптік стандарты (бұдан әрі – Кәсіптік стандарт): 1.1. педагогтің педагогикалық дайындығы мен қызметінің мазмұнын сипаттайды; 1.2. педагогтерді даярлау мен олардың біліктілігін арттырудың, қызметтің басқа да салаларындағы мамандарды қайта даярлаудың білім беру бағдарламаларын әзірлеу үшін негіз болып табылады; 1.3. кәсіптік дайындықтан және мамандыққа кірісуден бастап педагогикалық шеберлікке дейінгі құзіреттіліктерді сипаттайды; 1.4. нақты педагогтің еңбек қызметін және кәсіптік танылған практика эталонын салыстыру үшін негіз қалыптастырады; 1.5. педагогке өз мансабын кәсіптік дамытуға мүмкіндіктер береді; 1.6. педагогтің біліктілік деңгейлерін, еңбек функцияларын және кәсіптік даму дәрежесін дифференциалды бағалау құралы болып табылады; 1.7. өзгерістер мен инновациялық процестерге белсенді жауап бере отырып, мұғалімге сабақ беру, оқыту және тәрбиелеуде көшбасшылық қасиеттерді дамытуға мүмкіндік береді; 1.8. педагогке қоғамдық сенім мен құрметті нығайтуға, білім алушылар мен тәрбиеленушілердің әл-ауқатын арттыруға, білім беру ұйымдарында оқыту мен дамуды жақсартуға ықпал етеді. 2. Кәсіптік стандарттың қолданылу саласы: 2.1. педагогтің кәсіптік құзыреттілігінің бірыңғай түсінігін қамтамасыз ету және қоғамның мүдделі тараптарын хабардар ету; 2.2. кәсіптік оқыту бағдарламаларының мақсаттары мен мазмұнын және педагогикалық қызметке дайындығын айқындау; 2.3. педагогикалық қызметті жобалау мен жүзеге асырудағы педагогтің кәсіптік құзыреттілігінің сипаттамасы; 2.4. педагогті кәсіптік қайта даярлау және біліктілігін арттыру жүйесін дамыту; 2.5. педагогтің біліктілік талаптары мен еңбек функцияларының деңгейлерін белгілеу және бағалау; 2.6. өзгерістерді басқару және өзінің педагогикалық қызметінің мазмұнын бейімдеу. Осы Кәсіптік стандартта келесі терминдер мен анықтамалар қолданылады: еңбек функциясы (кәсіптік қызмет) – еңбек процесінің бір немесе бірнеше міндеттерін шешуге бағытталған өзара байланысты әрекеттер жиынтығы; оқыту практикасы/тәрбие және оқыту – білім алушылардың/ тәрбиеленушілердің білім беру процесін ұйымдастыруға бағытталған оқыту және тәрбиелеу мақсаттарын іске асыру бойынша педагогтің қызметі, білім беру мазмұнын меңгеруде және қажетті жеке қасиеттерді қалыптастыруда жоспарлы жүйелі көмек; Құзырет – оларға қатысты сапалы және нәтижелі әрекет ету үшін қажетті объектілер мен процестердің белгілі бір шеңберіне қатысты берілетін өзара байланысты жеке қасиеттердің (білім, білік, дағды, іс-әрекет тәсілдері) жиынтығы; Кәсіптік құзыреттілік – кәсіптік қызметті түсіну мен орындауды қамтамасыз ететін білім, зияткерлік және пәндік-практикалық білік, дағдылар, әдеттер жүйесі. жүктеу/скачать 149,07 Kb. Достарыңызбен бөлісу:
|