ШЖМ мұғалімінің бірнеше сыныптармен жұмыс жасауының өзіндік ерекшеліктері бар:
1.Мұғалім бір сыныппен сабақтың жартысына дейін жұмыс жасауына тура келеді, ал қалған уақытын балалардың өз бетімен жұмыс орындауын ұйымдастырады;
2.Мұғалім зейінін екі немесе үш сыныпқа бөледі;
3.Оқушылар өзбетімен жұмыс орындағанда мұғалім тарапынан көмек ала алмайды,себебі осы уақытта мұғалім басқа сыныппен жұмыс жүргізеді.
4.ШЖМ мұғалімі жаңартылған білім мазмұнында 8 немесе одан да көп 12 сабақтың жоспарын дайындайды.
Қиын сабақтар екі және үшінші сабақтарға қойылуы керек, себебі осы уақытта оқушылардың жұмыс жасауға қабілеті жоғары болады. Математика қиын сабақ болып есептеледі, сондықтан ол үшінші сабақтан кейін қойылмауы керек. ШЖМ жетістігі қойылған сабақ кестесіне байланысты. Дұрыс қойылған сабақ кестесі мұғалім мен оқушылардың жұмыс жасау қабілетіне оң әсерін тигізеді.
Сонымен қатар ШЖМ-ның негізгі проблемаларының бірі – материалдық техникалық базасының әлсіздігін атап көрсеткен дұрыс. Мәселен: бейімделмеген орын-жайлар, оның көбісі апатты күйінде, күрделі жөндеуді қажет етеді. Арнайы оқу зертханаларының және шығармашылық шеберханаларының, асханалардың, спорт-залдарының, медициналық кабинеттердің, заманауи жиһаздың спорттық жабдықтардың, оқу залы бар электрондық кітапхананың болмауы; телекоммуникациялардың ескірген инфрақұрылымы: кең жолақты Интернет желісіне қосылудың жетіспеушілігі, интерактивті құралдар жиынтығының толық болмауының барлығы білім сапасына өз әсерін тигізері анық
