Психологиялық тренинг технологиясына кіріспе оқу-әдістемелік құрал Алматы 2011

Топ үштіктерге бөлінеді және үштіктегі әрбір адамға роль беріледі: біріншісі – «мылқау және соқыр», екіншісі – «сал және керең», үшіншісі – «керең және мылқау». Барлық топтарға алдымен бірдей нәрсе айтылады: оларға тапсырманың нұсқасы ұсынылғаннан кейін олар бәрін қалай орындайтындықтарын келісіп, содан кейін бұны басқаларға айтып берулері тиіс. Содан соң әрбір топқа жеке-жеке жағдай ұсынылады. Бірінші топқа – сіздер теңізге демалуға барасыздар, қалай баратындарыңызды, қалай күнге қыздырынатындықтарыңызды, шомылатындықтарыңызды және т.б. келісулеріңіз қажет. Екінші топқа – сіздер саяжайға картоп қазуға барасыздар. Үшінші топқа – орманға саңырауқұлақ теруге немесе туған күнге және т.б. Соқырлар көздерін жұмады, кереңдер естімейтін кейіп танытады, салдар қолдарын қозғамайды. Содан соң, келісіп алғаннан кейін, әрбір топ осыны барлығына бет-әлпеттерімен көрсетеді.

Ойынға екі адам қатысады – ер адам мен әйел адам. Отбасылық дау-жанжал. Күйеуі моншаға кетеді де, екі күннен кейін келеді. Күйеуінің міндеті – қатты ашуланған әйелімен татуласу. Әйелінің міндеті – оған өзінің ол туралы не ойлайтындығының барлығын айту. Бірақ олар сөздерді айта алмайды, ал тек қана бу-бу, по-по, ко-ко және т.б. сияқты мағынасыз сөздерді ғана айта алады. Бұл жерде тек ауызша емес қарым-қатынас қана болады. Ойнап болғаннан кейін олар рольдерімен алмаса алады, күйеуі – әйелі, ал әйелі күйеуі болады да, олар дәл сол жағдайды тағы да ойнап шығады. Ойын әдетте өте көңілді өтеді және оны сергіту жаттығуы ретінде өткізуге болады. Егер қажет болса, ауызша емес қарым-қатынастың ролі туралы сөйлесе отырып, оны талқылауға да болады.

Бірлесіп шешім іздеу сатысын көбінесе дәлелдеме сатысы деп атайды, себебі, мұнда өз көзқарасыңды дәлелдеу және әріптесіңнің дәлелдемелерімен жұмыс істеу қажет. Көбі, өкінішке орай, қарым-қатынас үдерісінде бір-бірін ести және дәлелдемелерін түсіне білмейді және тырыспайды да, ал бұл болса, қарым-қатынас үшін ең маңыздысы ғой. Және егер әңгімелесушіңіздің дәлелдемелерін өзіңіздікіне «қоса өре» алатын болып, осының негізінде өзіңіздің дәлелдемеңізді құратын болсаңыз, әңгімелесушіңіз сізбен тезірек келіседі. Немесе сіздердің екеулеріңізге де бірлескен шешімге келу оңайырақ болады. Бәлкім, түбегейлі жаңа шешімге.