Қазақстан Республикасы еңбек заңнамасының қағидаттары

2) еңбек бостандығы; 

3) еңбек саласындағы кемсітушілікке, мәжбүрлі еңбекке және балалар еңбегінің ең нашар түрлеріне тыйым салу; 

4) қауіпсіздік және гигиена талаптарына сай келетін еңбек жағдайларына құқықты қамтамасыз ету; 

5) жұмыскердің өмірі мен денсаулығының басымдығы; 

6) еңбегі үшін жалақының ең төмен мөлшерінен кем емес сыйақы құқығын қамтамасыз ету; 

7) тынығу құқығын қамтамасыз ету; 

8) жұмыскерлердің құқықтары мен мүмкіндіктерінің теңдігі; 

9) жұмыскерлер мен жұмыс берушілердің өз құқықтары мен мүдделерін қорғау үшін бірігу құқығын қамтамасыз ету; 

10) әлеуметтік әріптестікті нығайтуда және дамытуда мемлекеттің ықпалы; 

11) еңбек қауіпсіздігі және еңбекті қорғау мәселелерін мемлекеттік реттеу болып табылады.

Сонымен қатар, мемлекет Еңбек қарым-қатынастарында ең минимальды мемлекеттік стандарттарға кепілдік береді:

«Айлық жалақының ең төмен мөлшері, күнделікті жұмыстың (жұмыс ауысымының) ұзақтығы, жыл сайынғы ақы төленетін негізгі еңбек демалысы "Ең төмен әлеуметтік стандарттар және олардың кепілдіктері туралы" Қазақстан Республикасының Заңына сәйкес еңбек саласындағы ең төмен әлеуметтік стандарттар болып табылады». (Еңбек Кодексінің 9-бабы).

Яғни, егер жұмыста жалақыңызды төлемей жатса, еңбек демалысына байланысты проблемалар болып жатса, күнделікті жұмыстың нормаланған ұзақтығы бұзылса, Мемлекеттік Инспекция тарапынан араласу болады да, сіздің құқығыңызды қорғайды.