• 2. Екі электродты вакуумдық, газразрядты немесе шалаөткізгіш аспап; электр тогы бағытына байланысты өткізгіштігі әр түрлі болады: тура бағыттағы токтар үшін өткізгіштігі жоғары және кері бағыттағы токтар үшін — төмен. Электр және радиоэлектрондық аппараттарда айнымалы токты түзету, детекторлеу, электр тербелістерін түрлендіру, электр тізбектерін ажыратып-қосу үшін қолданылады.
Жартылай өткізгішті диодтардың түрлері
Жартылай өткізгішті диодтар деп бір электрлік өткелі және екі шықпасы бар жартылай өткізгішті аспапты айтады. Электронды – кемтікті ауысуды алу тәсіліне байланысты жартылай өткізгішті диодтар екі түрге: жарық және нүктелік деп бөлінеді.
Түзеткіш диодтар. Айнымалы токты түзетуге тағайындаған жартылай өткізгішті диодты түзеткіш деп атайды. Мұндай диодтар жазық болып табылады.(1-сурет)
ВАС түзеткіш диодтардың негізгі сипаттамасы болып табылады. Кремний жасалған диодтарға рұқсат етілген кері кернеуі 1000 ... 1500В-қа, ал германийден жасалған диодтарға – 100 ... 400 В-қа жетеді. Кремнийлі диодтар – 60 ... +150, ал германийлі диодтар – 60 ... +85 температура кезінде жұмыс істей алады. Төменгі кернеулі түзеткіш құрылғыларда германийлі диодтар қолданылады.
Импульстік диод. Өтпелі үрдістері қысқа болатын және жұмыс кезінде вольт-амперлік сипаттамасының тура және кері тармақтары үшін қолданылатын шала өткізгішті диод.
Зенер диодтары.. Жартылай өткізгішті стабилитрон деп электрлік тесілу режимінде жұмыс істейтін кремнийлі диодты айтады және кернеуді тұрақтандыруға арналған. Тағайындалуы – тұрақты кернеуді қамтамасыз ету.
Аз мәнді кернеулерді (U1B)тұрақтандыру үшін қолданылатын диодтың түрі стабистор деп атайды.
