Құс жұмыртқасындағы кальцийдің қасиеттері мен маңызына түсініктеме беріңіз

Кальций (фосформен бірге) сүйек тканінің негізін құрайды, бірқатар маңызды ферменттердің қызметін күшейтеді, организмде иондық тепе-теңдіктің сақталуына қатысады, жүйке-бұлшық ет және жүрек-қан тамырлары жүйелерінде болатын процестерге ықпал етеді.

Әдетте азықтық кальцийдің 10-40 пайызы сіңіріледі. Өсімдік тектес кейбір өнімдерде кальцийдің сіңірілуін азайтатын заттар болады. Мұндай заттардың қатарына бұршақ дәнділердегі фитин қышқылдары, қымыздық пен шпинаттағы қымыздық кышқылы жатады. Бұл қышқылдардың кальциймен өзара әрекеті нәтижесінде кальцийдің ерімейтін фитаттары мен оксалаттары (фитин және қымыздық қышқылдарының тұздары) түзіледі де, кальцийдің сіңірілуі қиындайды (ең болмағанда уақытша қиындайды) .

Кальций атомының сыртқы қабықшасында ядромен қос байланысқан екі валентті электрон бар. Сол себептен табиғатта кальцийді таза күйінде табылмайды. Дегенмен кальций жердің қабығының құрамында жиі кездеседі.

Табиғатта кальций карбонаты, кальций сульфаты және кальций фосфаты кездеседі. Мысалы, кальций карбонаты мрамор және бор мен әк тастарының құрамына кіреді.
. Организмдегі барлық кальцийдің 98% сүйек тканінің құрамында болады. Кальцийдің қалған бөлігі неше түрлі аса маңызды қызметтер атқарады. Ол қызмет сүйек тканімен байланысты емес. Са2+ ионының маңызды қызметіне оның көптеген ферменттік жүйеғе қатысуыда жатады. Ондай ферменттік жүйелер бұлшық еттің жиырылуна, нервтік импульстердің берілуіне қанның ұюына, гормондар активтігін реттеуге қатысады.