ЖЖ.Тақтадан компьютер мен ноутбуктың суреті көрсетіледі. Олардың ұқсастығы мен айырмашылығы туралы сөйлеседі. Орындарынан тұрып келесі жұптармен бірігіп сөйлеседі. Тағы бір жұппен алмасып пікірлеседі.
Кері байланыс Қандай өзгеше жауаптар болғандығы сұралады.
Оқылым тапсырмасы 2-тапсырма
ЖЖ. Тақырыбы көрсетілмеген екі мәтінмен танысады.
Өздері түсінбеген сөздерді стикерлерге жазып тақтаға жапсырады. Барлық оқушылар шығып стикердегі сөздерді оқиды. Басқа жұптағы оқушылар кезектесіп өздері білетін сөздердің мағынасын қазақша түсіндіреді. Өздері түсінбеген сөздерін сөздіктен қарай алады.
1-мәтін (Үстел үстілік компьютерлер) Біз үстел үстілік компьютерлерді жұмыста, үйде, мектепте, кітапханада және тағы басқа жерлерде қолданамыз. Олар кішкентай, орташа, үлкен бола алады және әдетте үстел үстінде тұрады. Ол пернетақта, тінтуір, монитор және жүйелік блоктан тұрады.
Көптеген үстел үстілік компьютерлерді жаңарту, жетілдіру немесе ішіне жаңа бөлшектер салу оңай. Үстел үстілік компьютерлердің тағы бір артықшылығы – бұл олардың бағасы. Егер қызметі жағынан бірдей болатын үстел үстілік компьютер мен ноутбукты салыстыратын болсаңыз, бағасы жағынан үстелік үстілік компьютер арзанырақ болатынын байқайсыз.
2-мәтін (Компьютердің зиянынан қалай қорғану керек?) Компьютер тұрған бөлменің ауасын жиі тазалап тұру керек. Сонымен қатар күн сайын ылғалды тазалық жұмыстары жүргізілу керек. Монитормен жүзіңіздің арақашықтығы кемінде 50 см болуы қажет. Ересек адамдар үшін әр екі сағат сайын, ал балалар үшін әр жарты сағат сайын 15 минут үзіліс міндетті түрде қажет. Оқуға тиісті болған құжаттарды принтерден басып шығарып алып оқыңыз, көзіңіздің саулығына үлкен пайдасы бар. Компьютермен жұмыс істеп болғаннан кейін қолыңызды салқын сумен жуыңыз.
