Барлық оқушылар: суретті кезең-кезеңімен салу мүмкіндіктерін біледі. Кезеңмен жұмыс істеп,
жұмыстарын жақсарта алады.
Оқушылардың көпшілігі: құрылыс нобайын жасау барысында әсерлегіш құралдарды пайдалана алады.
Кейбір оқушылар:болашақ құрылыстың қызметін, идеясын анықтай отырып, нобайын жасайды.
Бұрын алған білімдері
Сызықтың әсерлі мүмкіндіктері. 2-сынып. Түстің әсерлі
мүмкіндіктері. 2-сынып. Дизайн өнері. 2-сынып. Сәулет өнері дегеніміз не? 3-сынып.
Пәнаралық байланыстар
Бұл сабақта мына пәндермен байланыс орнайды: математика, әдебиеттік оқу, музыка, қазақ тілі.
Оқушылар сәулет құрылыстарын жасағанда
геометриялық пішіндерді қолданады. Шығармашылық қиялдарын дамыту үшін №2 қосымшадағы 4-тақырыпқа
алған тақпақтарды оқиды. Қандай да бір құрылыстың тұрғызылуы туралы бір-екі аңыз айтуға болады.
Мысалы, Стамбұлдағы Сұлтанахмет (Көк мешіт) туралы әңгімелеген дұрыс. Сабақтың басында немесе өздік
жұмыс орындау барысында бірқалыпты музыка қоюға болады (Бах, Бетховеннің шығармаларының үзінділері).
