Сипай сезу түйсіктері. Адамның еңбек әрекетінде ерекше орын алатын түйсіктердің бірі – сипай сезу түйсігі. Мұның екі түрі бар. Біріншісі – пассив сипай сезу. Бұған тері түйсігі түгенлдей кіреді. Екіншісі – актив сипай сезу. Оның рецепторлары адамның қолында орналасқан. Осы түйсік – әрекеттің нақтылы бір түрінің ықпалымен күшті дамып отырады. Мәселен, тәжірибелі диірменшілер ұнды уқалап көріп, оның сапасын, қай жердің бидайынан тартылғандығына дейін қатесіз айтып бере алады.
Органикалық түйсіктері. Түйсіктердің екінші тобына – органикалық түйсіктер жатады. Бұлардың рецепторлары ішкі мүшелердің қабаттарына (өңеш, қарын, ішек, тамыр, өкпе, жүрек т.б) орналасқан. Ашыққанда, шөлдегенде не сусын қанғанда, жүрек айнығанда, іш ауырғанла жене т.б. осындай жағдайларда болатын сезінулер органикалық түйсіктерге жатады. Адам тоқ, дені сау кезінде немесе іс-әрекет үстінде түйсіктердің бұл түрін байқай бермейді.
