| Сабақтың тақырыбы:
Оқу құзыреттіліктерінің түрлері – оқу сауаттылығының компоненттері.
Сабақтың мақсаты:
оқу сауаттылығының жетістік деңгейлерімен таныстыру;
деңгейлерге сәйкес тапсырмалардың күрделілігін талдау дағдыларын дамыту.
Сабақтың мазмұны
Оқу құзыреттіліктерінің түрлері – оқу сауаттылығының компоненттері
Оқу дағдысы адам қызметінің кең ауқымы үшін – нұсқаулық ережелеріне сүйену, «кім, не, қашан және қалай» сұрақтары арқылы жағдаятты анықтау, белгілі бір мақсатқа жету немесе әрекетті орындау кезінде түрлі қарым-қатынас жолдарын қолдану үшін – аса қажет. Оған қоса, оқылым басқа да білім салаларының құрамдас бөлшегі болып табылады. Мысалы, шынайы мәселелер PISA-да тестіленетін басқа екі негізгі бағыт – математика және жаратылыстану ғылымдары – бойынша білімді талап етеді, алайда қажетті ақпаратты түсіну үшін, мысалы, дайын өнімдердегі мөртаңбаны оқу немесе автокөліктердің сақтандыру келісімшарттарын салыстыру үшін дамыған оқу дағдысы қажет. Адамның жазбаша ақпаратты өз мақсатында қолдануы үшін ол оқу процесіне тән сын тұрғысынан ойлау және аналитикалық ойлау әрекеттеріне қатысуы керек. Мәселен, PISA-2018 зерттеуінде оқу процесінің екі кең ауқымды санаты анықталды: мәтінді өңдеу және міндеттерді шешу. (1-сурет)
Достарыңызбен бөлісу: |
