Сабақтың ортасы
30 мин.
|
«Сканерлеп оқу» стратегиясы
1-тапсырма
Оқушыларға берілетін тапсырма: Өлеңді оқып, таныс емес сөздердің астын сызыңыз, олардың мағынасына түсінік беріңіз және сол сөздердің синонимдік қатарын табыңыз. (Қосымша 1)
Оқушыларға өлеңді бірнеше рет оқыта отырып, өлеңнен таныс емес сөздердің үстіне белгі қойғызамын. Мәтіндегі таныс емес сөздер сынып ішіндегі қабырғаларда ілініп тұрады. Оқушылар өздеріне берілген өлең жолдарындағы таныс емес сөздерді тауып жинап әкеледі де, әркім өзі тауып әкелген сөздерді кезекпен оқып отырып, мағынасын түсіндіреді.
1-топ:
Ғылым таппай мақтанба,
Орын таппай баптанба,
Құмарланып шаттанба
Ойнап босқа күлуге,
Бес нәрседен қашық бол,
Бес нәрсеге асық бол.
Адам болам десеңіз.
Тілеуің, өмірің алдыңда,
Оған қайғы жесеңіз.
Өсек, өтірік, мақтаншақ,
Еріншек, бекер мал шашпақ –
Бес дұшпаның білсеңіз,
Талап, еңбек, терең ой,
Қанағат, рақым, ойлап қой –
Бес асыл іс, көнсеңіз.
Жамандық көрсең нәфрәтлі,
Суытып көңіл тыйсаңыз.
Жақсылық көрсең ғибрәтлі,
Оны ойға жисаңыз.
ғибратлі – үлгілі – өнегелі, тәрбиелі, тәртіпті, ғибратты, нәфрәтлі – жеркенішті – жаман, нашар. Идеясы: жамандықтан қашу, жақсылыққа ұмтылу.
2-топ:
Надандарға бой берме,
Шын сөзбенен өлсеңіз
Аят, хадис емес қой,
Күпір болдың демес қой,
Қанша қарсы келсеңіз.
Көп орында көріне айтпа,
Біздің сөзге ерсеңіз.
Мұны жазған кісінің
Атын білме, сөзін біл!
Осы жалған дүниеден
Шешен де өткен не бұлбұл.
Көсем де өткен не дүлдүл.
Сөз мәнісін білсеңіз,
Ақыл-мизан, өлшеу қыл.
|
