4-тапсырма. Топтық жұмыс Мәтінді оқып, автордың ойын жалғастыр. Мәтін бойынша сұрақ құрастырып, жауаптарыңды дәлелде.
Тыңдалым мен оқылым мәтініндерінің тақырыбын, түрлерін (әңгімелеу, сипаттау, талқылау), құрылымын салыстыра талдау жаса.
Кімнің Отаны болса, сол халық болады (Үзінді) Қазақтың «кіндік қаны тамған жер» деген сөзі – қасиетті ұғым. «Туған жер», «Атамекен» – адамзаттың өшпес махаббатының символы, кез келген халық үшін қасиетті ұғым. Ол барлық халық әндеріне, аңыз - әңгімелерге, дастандарға арқау болып келеді. «Атамекен – алтын бесік» жыры – адам баласының құдіретті әуені. Ол әрбір адамның қанымен беріледі. Адам осы жерде өмірге келіп, осы жерде өмірден өтетінін ежелден түйсіне білді. Бұл – заңды да әділ қағидат. Болмыстың мәңгілік айналымы осындай. Бұл – ата-бабаңның адал тері мен кіндік қаны тамған сенің жерің. Сондықтан да ол саған қымбат. Оны туған анаңдай риясыз жақсы көресің, Muttererde – Жер-Ана дейміз.
Отан дегеніміз не? Бәрін бір ауыз сөзбен жеткізе алуымыз қиын шығар. Ол – махаббат сияқты ғаламат ұғым. Ол – өлшеусіз құндылық. Мен мынадай ақиқатқа көз жеткіздім: Отан дегеніміз – сенің өткенің, қазіргің және болашағың. Отаннан тыс өмір сүру – тек қазіргі өмірің ғана, өткенің, болашағың жоқ. Тегінде, кімнің Отаны болса, сол ғана
халық, қалғандары – ел-жұрт. (Герольд Бельгер
