«Апорт алмасы» мозаикасын жасаймыз.
Алматы – әсем әрі үлкен қала.Жұпар иісі аңқыған апорт алмасы – қаланың символы. Алматыда апорт алмасының таңғажайып субұрқағы бар. Оның авторы – Едіге Рахмадиев. Апорт — алманың ірі, әрі құнды түрі. Салқындау, бірақ ұзақ емес қысы бар, ал жазы жылы немесе ыстық болатын оңтүстіктің орта белдеуінде (Солтүстік Кавказ, Іле Алатауы) кең тараған. Апорттың қабығы тығыз, сары немесе жасыл-сары қызыл-қоңыр мөрімен болады; ішкі жағы (еті) сусымалылығымен, нәзік дәмімен ерекшеленеді. Апорт — кеш пісетін түрге жатады, қыркүйек айларында ғана пісіп жетіледі. Кеш піскендіктен қыста жақсы сақталады.
Қолдану
Апорт алмасын мозаика тәсілімен жасайық. Бізге ақ немесе сары түсті қатырма қағаз, жай қарындаш, ермексаз керек.
Жұмыс реті:
1. Жай қарындашпен алманың суретін салу.
2.Қызыл түсті ермексаз шығару.
3. Кішкене шарлар жасау.
4.Сырт жағынан бастап айналдыра тізіп шығу.
5.Жасыл түсті ермексаздан жапырағын жасау.
6.Қоңыр түстен сабағын жасау.
(Г)Кері байланыс. «Шеңбердегі доп» Оқушылар дөңгелене отырып, бір-біріне доп лақтырады. Доп қолына тиген бала сабақ жайлы бір сөз айтады
