Сборник материалов V международной научно-практической конференции

біліктілігімізді  арттырып,  курстан  өттік.  Курстың  мақсаты  –  білім  және  ғылым  саласындағы 

жетістіктерді  ескере  отырып,  мұғалімдердің  робот  техникасы  құралдарын  қолданудағы 

ақпараттық  және  техникалық  сауаттылығын  дамыту.  Курс  тыңдаушылары  роботтарды 

модельдеу, бағдарламалауды, құрастыру дағдыларын меңгерді.

Болашақта  мұғалімдер  осы  курста  алған  білімдерін  шыңдап,  шәкірттері  «Робототехника» 

бойынша  түрлі  сайыстарда,  конкурстарда  жоғары  деңгейде  нәтиже  көрсетіп,  биіктерден 

көрінетіндігіне сенімдімін.

2017-2018  оқу  жылының  наурыз  айында  облыстық  оқушылар  арасында  «Робототехника» 

бойынша конкурс өткізілді. Конкурсқа Ақмола облысы, Целиноград ауданы, Қажымұқан ауылы 

№4 негізгі мектебінің 7 сынып оқушылары Орынбеков Нұрболат пен Жұмаділда Олжас қатысып 

кегельринг квадро бойынша 4 – орынды  иеленді. Робототехника саласын енді ғана бастаған 

біздер үшін бұл үлкен жетістік.

Роботтардың  қолдану  аймақтары  күннен-  күнге  көбеюде.  Роботтарды  жинау,  құрастыру, 

модельдеу және бағдарламалау арқылы оқушылар робот техникасы және инженерлік жүйелерді 

жобалау  саласындағы  білімі  мен  дағдыларын  дамытады.  Болашақ  робот  құрастырушы 

математика мен физиканы, информатика мен сызуды, басқа да ғылым саласын міндетті түрде 

меңгеруі  тиіс.  Робототехниканы  үйрететін  мұғалімдердің  де  қызығушылықтары  өте  жоғары, 

олар қазір өздерінің біліктілігін арттырып, болашақ үшін аса қажетті мамандықты меңгеру ісіне 

араласуда.