АПАТИЯ— белсенсіздік және қоршаған ортаға немқұрайлы қараумен сипатталатын, шаршау, стресс, фрустрация сезімдерін тудыратын психикалық күй.
АПРАКСИЯ — (грек. сөзінен ауд. “апараксия”— “әрекетсіздік”) мақсатты әрекет жасауға деген қабілеттің бұзылуы.
АУТИЗМ — (грек. сөзінен ауд. “ауто”— “өз-өзіне кету”) бұл тұйықтық, қоршаған ортамен қарым-қатынасқа түсуге ниеттің болмауы, өзінің күйзелістеріне беріліп ькету, психологиялық шеттелу формасы.
АУТОТРЕНИНГ— стресті жағдайларды шығару үшін, жүйке жүйесін нығайтуға апаратын физикалық және психологиялық жаттығулар негізінде жасалатын өзіе-өзі сендіру әдісі.
АСТЕНИЯ — (грек. Аstheneia — дәрменсіздік, әлсіздік) — өте қатты шаршап шалдығу. Жадап-жүдеу, көңіл-күйдің тұрақсыздығының ақырғы шегі, ұйқының бұзылуы кезіндегі байқалатын жүйкелік-психологиялық әлсіздік.
АЛЬВЕОЛА – (латынша “alveolus” – “көпіршік”) сүтқоректілердің өкпелеріндегі өте жіңішке бронхиолдарының ұшындағы көпіршік тәрізді түзілістер. Олардың сыртын капилляр қантамырлары торлап жатады. Альвеолалар мен капилляр қантамырлары арқылы газ алмасу процесі жүзеге асады.
АКСОН – (грекше “axon” – “білік”) – нейронның бір ғана ұзын өсіндісі. Оны кейде нейрит деп те атайды.
АНАЛИЗАТОРЛАР – (грекше “analyzator” – “талдау”) әр түрлі сыртқы және ішкі тітіркендіргіштерді қабылдайтын және оларды талдап жауап қайтаратын сезгіш жүйке түзілістерінің жүйесі. Анализаторларды ауызекі тілде сезім мүшелері деп атаса, ғылыми тілде сенсорлық жүйе деп атайды.
АОРТА (грекше “aorte” – “көтеру” (жүрекке қатысты)) – омыртқалы жануарлардың қанайналым жүйесіндегі қанды денедегі мүшелер мен ұлпаларға тасымалдайтын басты артериялық қантамыр.
АПОНЕВРОЗ (грекше “apo” –“қашықтау”, “алыстау” деген күрделі сөздің бір бөлігі, ал “neuron” – “жалпақ”) – тығыз коллагенді және серпімді талшықтан түзілген омыртқалы жануарлардың сіңірлі жалпақ тақташалары. Апоневроз арқылы кейбір жалпақ бұлшықеттер сүйектерге немесе басқа да ұлпаларға бекінеді.
АРТЕРИОЛА (грекше “arteria” – “тыныстық түтік”) – тікелей капилляр қантамырларымен байланысатын артерия қантамырларының соңғы ұсақ тармақтары. Адам денесіндегі Артериолалардың диаметрі 16-30 мкм, ал олардың қабырғасының қалыңдығы 20 мкм.
