4-жаттығу. Сөйлемдегі сөздердің қандай категорияда қолданылып тұрғанын, ол категорияның морфемасын көрсетіңіз. Мал өсіру үшін қолда тұқымдық мал болу керек, онсыз еңбекпен мал табу болмайтын еді. Малсыз кедей тамақ, асырау үшін байдың малын бағатын, бірақ онымен кедей байи алмайтын, өзі де бай болам деп ойламайтын, байға жалданған кедейдің есебі баю емес, тамақ асырау ғана болатын (А. Байт.)
Алдар Көсе мен шайтан бірлесіп бидай егеді. Егін піскен соң орып, бастырып, бидайын бір бөлек, саламын бір бөлек қойыпты да, шайтанға көрсетіп: “Көбін аласы» ба? Азын аласың ба?” – депті. Шайтан: “Көбін аламын!” – депті (А. Байт.).
Дәулет етті тұяғының астына қыстырды да, өзі үйден шығып кетіп, жақтаудан сығалап, бақылады да тұрды. Балапан біресе жемге, біресе жан-жағына қарап елегізіп, біраз қопақтады да, аздан соң бір шоқып, бір қойып, сенбей отырып, дәмін татқан соң, құныға жеді (З. Ш.).
