Оқытуды дараландыру – оқу үдерісін оқушылардың жеке ерекшеліктерін
есепке ала отырып ұйымдастыру, әрбір оқушының әлеуеттік мүмкіндіктерін
жүзеге асыруға арналған тиімді жағдайды құруға мүмкіндік береді. Оқытуды
дараландыру оқытудың жалпы міндеттері мен мазмұнының аясында ұжымдық
оқу жұмысы жағдайында жүзеге асырылады.
Инклюзивтік білім беру (фр. Inclusif – өзіне қосу, лат. Include – қосамын)
–
білім алуда ерекше қажеттіліктері бар балаларды қолжетімділікпен
қамтамасыз ететін, білім берудің барлығы үшін қолжетімділігін білдіретін
жалпы білім беруді дамыту үдерісі. ЮНЕСКО инклюзияны «оқушылардың сан
алуан түрлілігіне позитивтік көзқарас және олардың ерекшеліктерін мәселе
ретінде емес, оқытуды байыту мүмкіндігі ретінде қабылдау» деп түсінеді.
