Совет–Хан Єаббасов

Бүгінге дейін айтылып келген педагогикалық тәрбие баланың нәресте шағынан басталады деп келсе, біздер мүлдем олай емес екенін үзілді-кесілді дәлелдеп отырмыз. Жоғарыда айтылған адам тәрбиесінің жаңа көзқарасы бойынша, нәресте шақтың алдындағы екі кезеңді тереңдете қосуға тура келіп тұр. Оның біріншісі — адамдардың шаңырақ көтеріп семья кұрар кезіндегі е р к е к пен ә й е л д і ң и м а н д ы л ығы, осы сәттегi, әйел жатырына түсетiн ұ р ы қ т а з а л ы ғ ы н айтқан едiк. Ал, екiншiсi – Ана құрсағындағы жан иесiнiң даму сипаттарын айта отырып, бүкiл адамдық негiздерi, бала дүниеге келгенге дейiн қалыптасып қоятындығын, оның құлпыра жетiлуiне бiрден-бiр әсер ететiн жүрек тәрбиесiнiң мәнiне ерекше көңiл аударған болатынбыз. Ендеше, адамдардың ана құрсағында қалыптасатын мiнез-құлықтары мен адамшылық негiздерiнiң тәрбиесi, жөргектен ғана басталмай, тым тереңде жатқандығын аңғарамыз. Олай болса, бала шыр етiп дүниеге келгенге дейiн, оның имандылығы мен жүрек тәрбиесiн ойламасақ, кiндiгiн кесiп жерден көтерiп алғаннан кейiн бастамақшы тәрбиемiз тым кеш болады екен. Егер, халқымыздың ұрпағына бағдарлама ретiнде қалдырған даналығына жүгiнсек: «Алып анадан туады» ‑ деген тұжырымының мәнiнде де, гәптiң бәрi де ана құрсағындағы тәрбиеде екенiн түсiнумен бiрге, осыншалық жұмбақ сырдың кiлтiн қалдырып кеткен ата-бабамызға бас июiмiз керек.