БӨЛЕК ЖАЗЫЛАТЫН СӨЗДЕР
1. Күрделі атаулардың (мемлекет, республика, мекеме, ұйым) әрбір сөзі бөлек жазылады. Мыс: Қазақстан Республикасы, Ғылым академиясы.
2. Екі зат есім қатар айтылып, бір ғана затты, құбылысты, ұғымды атап, алдыңғысы соңғысының тегін кімге, неге арналғанын немен жұмыс істейтінін және өзге заттардың ажыратылатын белгілерін білдірсе, олар бір-бірінен бөлек жазылады. Мысалы: ат қора, қой қора, ұл бала.
Бірге жазылатын сөздер
1. Тұлғасы өзгертіліп барып, біріккен сөздер қосылып жазылады. Мыс: бүгін, биыл, қыстыгүні, жарғанат, көгала.
2. Еш, әр, кей, бір, қай, әлде сөздерімен біріккен есімдік, үстеу сөздер түбір тұлғалары өзгертілмей бірге жазылады. Мыс: әркім, әрдайым, әлдеқашан, кейбір, бірсыпыра, бірқыдыру.
3. Екі түбірден құралып, ғылымның әр алуан (саяси-әлеуметтік, лингвистикалық, физиологиялық, астрономиялық, биологиялық т.б) саласында терминдік мәнге ие болған атаулар бастапқы тұлғаларын сақтап бірге жазылады. Мыс: баспасөз, өнеркәсіп.
Достарыңызбен бөлісу: |
