-тақырып. ТӨЛ СӨЗДЕРДІҢ ТЫНЫС БЕЛГІЛЕРІ

1. 
   Төл сөздердің тыныс белгілері
   
2. 
   Тыныс белгілеріне байланысты қиындықтар
   

1. Төл сөз екі түрлі қолданылады: бірі – төл сөзді мәтін ішінде бөлмей, азатжолсыз қолдану; екіншісі – төл сөзді азатжолмен бөліп тастау.

Бірінші жағдайда төл сөз тырнақшаға алынады, екіншіде сызықша арқылы жазылады:

Әкей оқта-текте иығын қозғап қалып, күбірлеп сөйлеп те қояды: «Генерал-поручик!.. Ол менің ротамда сержант қана еді! Содан бері көп-ақ өткені ме?..» (Пушкин)

2. Төл сөз бен автор сөзінің орналасу тәртібіне қарай тыныс белгілері былайша қойылады:

Әуелі төл сөз, одан кейін автор сөзі келгенде, төл сөз екі жағынан тырнақшаға алынады да, автор сөзінен бұрын, төл сөз болып тұрған сөйлем хабарлы болса, үтір мен сызықша, сұраулы болса, сұрау белгісі мен сызықша, лепті болса, леп белгісі мен сызықша қойылады. Сондай-ақ көп нүкте мен сызықша қойылады. Мұндайда үтір тырнақшаның сыртына қойылады, ал сұрау, леп белгілері және көп нүкте тырнақшаның ішіне қойылады: «Бұл кім болды екен, әлде ...» - деп ойлай бастады ұста.