Тақырыбы: «Күз ханшайымы 2023» Мақсаты
жүктеу/скачать 17,13 Kb.
|
|
Тақырыбы: «Күз ханшайымы - 2023» Мақсаты: 1. «Күз ханшайымы - 2023» сайысына қатысушылардың арасынан күз ханшайымын анықтау. Оқушылардың тапқырлығын, шеберлігін бақылау. 2. Күз айлары туралы білетіндерін ортаға сала отырып, оқушылардың сайысқа деген қызығушылығын, ынтасын арттыру. 3. Ұйымшылдыққа, өз ойларын ортаға салып көрсете білуге, табиғатты сүюге тәрбиелеу. Жүргізуші: Армысыздар, мейірімді ата - аналар, қымбатты ұстаздар, оқушылар! Табиғат - күллі тіршілік атаулының қуатты қонысы, алтын ұя бесігі, құт берекесі. Осы табиғаттың төрт мезгілінің алатын орны ерекше. Күз адам баласына молшылық, береке әкелетін мезгіл. Сондықтанда да, адамдар күзді берекелі күз, алтын күз деп баға береді. Алтын дейтін себебі, біріншіден, айналаның бәрі сап - сары түске боялады, екіншіден, алтын байлықтың белгісі. Күзде егінді жинап алатын болған ата - бабаларымыз «Сабан той» өткізіп, күз берекесін тойлап отырса, әрбір мектепте осы күз мерекесін тойлау, кештер өткізу дәстүрге айналған. Сол дәстүрді жалғастыра отырып «Күз ханшайымы - 2023» мерекесімен құттықтаймын. Алтын күз біз бен сізге шуақ шашсын, Көңілді серіппелі күйін ашсын. Бақ пенен шаттық бірге қатар қонып, Береке бірлікпенен ортақтассын,- деп «Күз ханшайымы - 2023» атты байқауымызға қатысатын үміткерлерімізді қошеметпен ортаға шақырамыз. Бүгінгі балымыздың үміткер ханшайымдары. 5 «А» 5 «Ә» 5 «Б» 6 «А» 6 «Ә» 6 «Б» 7 «А» 7 «Ә» 7 «Б» 8 «А» 8 «Ә» 8 «Б» Сайысымыздың кзеңдерімен таныстырып кетейін. Сайыс бес кезеңнен тұрады: 1. Кел танысайық 2. Өз өнерін көрсету (Күз тақырыбында) 3. Қас - қағым сәт.(Күз мезгіліне қатысты сұрақтарға жауап беру) 4. Күзгі ханзада мен ханшайымы (күзгі сән үлгілерін көрсету.) 5. Күзгі сыйы.(Күзгі табиғи материалдан жасаған жұмыстарын көрсету) Жүргізуші: Күз мейрам құтты болсын баршаға, Күздің сәні келіп қапты ортаға. Әділқазы алқалармен таныстырып, Кетейінші осы отырған баршаңа,- дей отырып құрметті көрермендер әділқазы алқаларымен таныстырып өтейін: ------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------ Жүргізуші: Біздерде ойын - сауық басталады, Тамаша ән айтылып, би билейді. Қошеметтеп қол соғып отырайық, Ұмытармыз күні бойы шаршағанды- деп Жүргізуші: Құрметті көпшілік көрерменім, Жақсылыққа әрдайым артқан сенім. Ақжол тілеп үкілі үміттерге, Таныстыру шартына кезек бердім-, деп ендеше бірінші шартымыз «Кел танысайық» үміткерлеріміздің өздерін таныстыруы. Олай болса, ардақты да, аяулы әділқазыларға жүгінейік. «Кел танысайық» бөліміне бағасын берсеңіздер екен. Жүргізуші: Асыл тастан, өнер жастан, Шығады деп дарынды. Халық айтса, қалт айтпас, Әрқашанда нанымды Сол шындықты күнделікті, Көріп жүрміз өмірден. Өнерімен танысайық, Тілекші боп көңілден. Ортада сайыскерлеріміздің «Өз өнерлерін»тамашалайық. Енді әділ қазы алқаларына сөз береміз. Жүргізуші: Күз келді, хан мен ханшайым, Өткізді күзгі бал айын. Ағызар сөйлеп сөз майын, Ал ханымыз ақылды. Барша жұртты шақырды, Би де билеп ән айтты. Қуаныштан шалқыды. Ханшайымдарымызды өз өнерлерін көріп болса, үшінші кезеңі «Қас - қағым сәт».(Күз мезгіліне байланысты сұрақтарға жауап беру) кезек берейік. «Жапырақ теру» ойыны арқылы ұйымдастырылады. Алдарыңыздағы шашылған жапырақшалардағы сұрақтарға жауап беру. 1 - сұрақ: Күз мезгілінде табиғат қандай өзгерістерге ұшырайды? 2 - сұрақ: Жұмбақ шешу. Ағайынды бәрі, Шықса – жасыл, Түссе – сары. Бұл не? 3 - сұрақ: Күз мезгілі нешеге бөлінеді? 4 - сұрақ: Күз айларын ата. 5 - сұрақ: Жұмбақ шешу. Аспай піскен, қайнамай түскен. 6 - сұрақ: «Мақал - мәтелді жалғастыр» 1. Еңбек түбі -------------------- 2. Еңбек етсең ерінбей -------------------- 7 - сұрақ: Бес жеміс - жидектерді атап беру. 8 - сұрақ: Бес көкөністерді атап беру. Әділқазылар бағаларын берсе. Жүргізуші: Бүгінгі кеш өтіп жатыр өз мәнімен, Әр сұлу әсем болар өз сәнімен. Күз сәні өнерімен ортаға шығып, Сән көрсетер сайыскерлер сәнімен- деп қатысушыларымыз өз шығармашылықтарымен жасаған «Күзгі ханзада мен ханшайымды» (күзгі сән үлгілерін көрсету) сән үлгісінде ортаға шақырамыз. Олай болса, қол соғып қошеметтеп отырайық. Салмақты ұлдар мен сымбатты қыздарымыздың өз қолдарымен жасаған киім үлгілерін тамашалап болсақ, әділқазыларға сөз берсек. Жүргізуші: Көрсетеді өнер әр салада сайысып, Қимылдары жүргендей бір жай ұшып Мерекелік күзгі сыйды жасапты, Ханшайымдар саусақтары майысып. «Күз сыйы» бөлімінде қатысушыларымыз күзгі сыйдан өз шығармашылықтары бойынша дайындап әкелген туындыларымен таныстырсын. Олай болса, топтарымыздың өздері дайындаған табиғи материалдан әкелген жұмыстарын таныстырып өтсін. Жәнеде әділ қазылар алқасы да қарап бағалап жіберсе. Жүргізуші: Білім - теңіз, мектепті кеме дейміз, Білім мен тәрбие егіз неге дейміз, Әдемі мен тәлімі үндесетін, Жастарды болашаққа жетелейміз. Жеңістер мен жеңілістен тұратын Өмір - күрес, жеткізе ме мұратын. Жеңбедім деп, жеңілдім деп ренжімегің, Қатысу да бір жеңіс, жан болсаң сен ұғатын,- деп отырып бүгінгі «Күз ханшайымы - 2023» байқауының нағыз ханшайымын жариялау үшін ортаға құрметті әділқазылар алқасын шақырамыз. Құрметті көрермендер! Жемпаздарымызға биік шындарды бағындырып, қонар тұғырлары биіктей берсін дей отырып, кешімізді осымен аяқтаймыз! Жеңісті күндерде кездескенше!!!!!! жүктеу/скачать 17,13 Kb. Достарыңызбен бөлісу:
|